Taime maitai no te poro rahi atu â!
1. No te aha e feruri ai e poro rahi atu â i Mati, Eperera, e Me?
1 E nehenehe anei oe e poro rahi atu â i te tau o te Oroa haamanaˈoraa i mua nei? E faaohipa vetahi i ta ratou faaearaa ohipa aore ra haapiiraa no te poro. Mai te 2 no Eperera atu, e titau manihini taa ê tatou i te feia anaanatae ia tae mai i te Oroa haamanaˈoraa i te 17 no Eperera. Ia oti, e tutava tatou i te atuatu i to ratou anaanatae a titau manihini atu ai no te oreroraa parau taa ê i te hebedoma o te 25 no Eperera. Mea rahi mau â te tumu no te feruri e poro rahi atu â i Mati, Eperera, e Me!
2. Eaha te tahi ravea maitai roa no te poro rahi atu â?
2 Ei pionie tauturu: Te tahi ravea maitai roa, o te riroraa mai ïa ei pionie tauturu. No te rahi o te ohipa, e titauhia iho â ia faanaho oioi e ia faatano i ta tatou porotarama. (Mas. 21:5) E tuu paha oe i te hiti vetahi mau ohipa e ere i te mea faufaa roa. (Phil. 1:9-11) No te aha e ore ai e faaite i to oe hinaaro e riro ei pionie ia vetahi atu? E apiti atoa mai paha ïa ratou.
3. E nafea te mau utuafare no te poro rahi atu â?
3 I ta outou arui haamoriraa utuafare i mua nei, mea maitai ia tauaparau i ta outou mau fa. (Mas. 15:22) Ia haa amui outou, e nehenehe paha vetahi e riro ei pionie tauturu hoê avaˈe aore ra hau atu. E nafea aita anaˈe e nehenehe? E faanaho paha te utuafare no te poro rahi atu â i te taperaa mahana aore ra i te hopea hebedoma.
4. Eaha te haamaitairaa ia poro rahi atu â i te tau o te Oroa haamanaˈoraa?
4 Te ite ra Iehova i te mau mea atoa ta tatou e rave ra no te tavini ia ˈna e te mauruuru ra i ta tatou mau haapaeraa. (Heb. 6:10) E oaoa tatou i te horoa na Iehova e na vetahi ê. (Par. 1, 29:9; Ohi. 20:35) E nehenehe anei oe e poro rahi atu â i te tau o te Oroa haamanaˈoraa a ite atu ai i te oaoa e te haamaitairaa rahi?