E nafea ia faaohipa i te mau hiˈoraa no te aparauraa

Mea rahi te ohipa e ravehia no te faaineine i te mau hiˈoraa no te aparauraa. E rave rahi feia poro tei faufaahia i teie mau hiˈoraa i roto i ta ratou taviniraa. I te mea râ e mea taa ê te tupuraa i tera e tera fenua, e nehenehe te feia poro e maiti i te tumu parau tano maitai e anaanataehia i to ratou fenua. Parau mau, e pee maite iho â tatou i te mau aratairaa horoahia no te hoê pororaa taa ê. Ta tatou fa, o te peeraa ïa i te faaueraa a Iesu ia poro i te parau apî oaoa o te Faatereraa arii a te Atua.—Mt 24:14.

E vauvauraa anaˈe ta outou, e titauhia ia faaohipa i te hiˈoraa no te aparauraa i roto i te Faaineineraa no te putuputuraa Oraraa e taviniraa. Mai te peu râ aita e titauraa, e nehenehe outou e maiti i te mau uiraa, irava e te tahi atu mau tumu parau e anaanataehia ra i to outou fenua. E faatanoraa te reira i te aratairaa itehia i roto i te Faaineineraa no te putuputuraa no Tiunu 2020, i te api 8.