Te hoê ohipa faahiahia arataihia e te varua moˈa

I te roaraa o te tau, e rave rahi ohipa faahiahia ta te mau tavini a Iehova i rave. E ere maoti to ratou iho aravihi, maoti noa râ te tauturu a Iehova. I 1954, ua taviri te faanahonahoraa i te hoê hohoˈa hautihia: Te haere ra ta Iehova faanahonahoraa i mua. Noa ˈtu aita to ratou e aravihi i te pae o te taviriraa hohoˈa, ua ohipa te mau mero o te Betela no te hamani i teie hohoˈa hautihia. Ua arataihia teie ohipa faahiahia e te varua moˈa e tae roa ˈtu i te hopea. E haapapuraa te reira, ia turui tatou i nia ia Iehova, e manuïa iho â tatou i roto i te mau ohipa atoa e horoahia mai ia tatou.—Zek 4:6.

A MATAITAI I TE VIDEO TE HAMANIRAA I TE HOHOˈA “TE HAERE RA TA IEHOVA FAANAHONAHORAA I MUA” E A UI I TEIE MAU UIRAA:

• No te aha i faaotihia ˈi e taviri i te hoê hohoˈa no nia i te pu rahi?

• E nafea te hohoˈa hautihia e faaite ai e au te Betela i te tino taata?—Ko1 12:14-20

• Eaha te mau fifi ta te mau taeae i ite a taviri ai i teie hohoˈa e eaha tei tauturu ia ratou?

• Eaha ta te reira e haapii mai no nia i te varua moˈa o Iehova?