E te feia apî e, o Iehova anei to outou hoa piri roa ˈˈe?

Eaha te mau huru maitatai ta oe e imi ra a maiti ai i te hoê hoa? Te haafaufaa ra paha oe i te taiva ore, te maitai e te aau horoa noa. Te faaite ra Iehova i tera mau huru maitatai atoa. (Ex 34:6; Ohi 14:17) Te faaroo ra o ˈna ia pure oe ia ˈna. Te tauturu ra oia ia oe i te mau taime atoa e hinaaro ai oe i te reira. (Sl 18:19, 35) Te faaore ra oia i ta oe mau hara. (Io1 1:9) E hoa faahiahia roa o Iehova, e ere anei?

E oe, e nafea oe e riro ai ei hoa no Iehova? A haapii no nia ia ˈna ma te taio i ta ˈNa Parau. A faaite ia ˈna i to oe mau huru aau. (Sl 62:8; 142:2) A faaite ia Iehova e mea faufaa atoa no oe te mau mea ta ˈna e haafaufaa ra, mai ta ˈna Tamaiti, ta ˈna Faatereraa arii e ta ˈna mau parau fafau no a muri aˈe. A paraparau ia vetahi ê no nia ia ˈna. (De 32:3) Ia faatupu oe i te auhoaraa piri e o Iehova, e riro oia ei Hoa no oe e a muri noa ˈtu.—Sl 73:25, 26, 28.

A MATAITAI NA I TE VIDEO E TE FEIA APÎ E, “A TAMATA NA IA ITE I TE MAITAI O IEHOVA” E A PAHONO NA I TO MURI NEI MAU UIRAA:

• 

  E nafea ia faaineine ia oe no te pûpûraa ia oe iho e no te bapetizoraa?

• 

  E nafea te mau mero o te amuiraa e nehenehe ai e tauturu ia oe ia tavini ia Iehova?

• 

  E nafea te pororaa e haapuai ai i to oe auhoaraa e o Iehova?

• 

  Eaha te mau hopoia i roto i te taviniraa a Iehova ta oe e nehenehe e amo?

• Eaha ta oe e au roa no nia ia Iehova?