Eaha ta oe e haapii mai maoti te mau himene rau?

Eaha te mau himene rau ta oe e au roa ˈˈe? No te aha? No oe, te faaite ra anei teie mau himene rau i te oraraa o te mau mahana atoa? I te mea e ua rau te tumu parau e te huru upaupa, e nehenehe ïa te taata tataitahi e maiti i ta ˈna e au roa ˈˈe. E ere râ te mau himene video, mai te mau himene rau, i te hoê noa faaanaanataeraa.

E haapiiraa faufaa roa i roto i te mau himene rau atoa ta tatou e nehenehe e faaohipa i roto i to tatou oraraa Kerisetiano e ta tatou taviniraa. Te haafaufaa ra te tahi mau himene i te farii maitai, te autahoêraa, te mau auhoaraa, te itoito, te here aore ra te faaroo. No nia te tahi atu mau himene i te hoˈiraa atu ia Iehova ra, te faaoreraa i ta vetahi ê mau hapa, te faaiteraa i te taiva ore i te mau mahana atoa e no nia i te mau ravea no te tavini atu â ia Iehova. Te vai atoa ra hoê himene no nia i te faaohiparaa i te niuniu afaifai ma te aifaito. Eaha te tahi atu mau haapiiraa ta oe i huti i roto i te mau himene rau?

A MATAITAI NA I TE HIMENE VIDEO TEI MUA NOA IA OE, E A PAHONO NA I TO MURI NEI MAU UIRAA:

• Te feruriruri ra na hoa faaipoipo paari aˈe i nia i teihea haamaitairaa no a muri aˈe?—Ge 12:3

• Nafea tatou e haapuai ai i to tatou faaroo i to Iehova faatupuraa i ta ˈna mau parau fafau?

• Eaha te mau farereiraa oaoa e fatata i te tupu?

• Nafea te poroi o te Faatereraa arii e tauturu mai ai ia tatou ia faaoromai noa ˈtu te mau fifi?—Ro 8:25