Ia maitai atu â ta tatou haapiiraa
A tamau aau i ta tatou mau himene
“Ia haafaufaa ore au ia ˈu, e faaitoito mai Iehova na roto i te mau himene rau o te JW Haapurororaa teata.”—Lorraine, Marite.
Ei Kerisetiano, e tuhaa faufaa roa te “himene haamoriraa” no te arue i te Atua. (Kol. 3:16) Ia tamau aau outou i teie mau himene, e tauturu te reira ia outou aita anaˈe e buka himene aore ra e matini afaifai ta outou. A tamata na i to muri nei mau manaˈo no te tamau aau i ta tatou mau himene.
A taio maite i te mau parau o te himene no te taa maitai i te auraa. Mea ohie aˈe ia tamau i te hoê parau ua taa anaˈe ia outou te auraa. E itehia te mau papai o ta tatou mau himene arueraa, te mau himene rau e te mau himene no te mau tamarii i nia i te jw.org. I raro aˈe i te tuhaa Piahia, a haere i nia Upaupa.
A papai roa i te mau parau o te himene. Ma te na reira, e mau aau ia outou te himene.—Deut. 17:18.
A faahiti i te mau parau ma te reo puai. A taio aore ra a himene tamau i te reira.
A hiˈo e ua mau anei ia outou te himene. A tamata i te haamanaˈo i te mau parau o te himene ma te ore e hiˈo i te papai e a hiˈo e ua mau anei ia outou.