Ua horomii te fenua i te anavai

E rave rahi taime i te roaraa o te tau, ua tauturu te mau tia mana i te nunaa o Iehova. (Ezr 6:1-12; Ese 8:10-13) I teie tau atoa, ua ite tatou i “te fenua,” oia hoi te feia o teie ao e huru maitai aˈe to ratou, tei horomii i “te anavai,” oia hoi te hamani-ino-raa ta “te teni,” te Diabolo ra o Satani, i rave. (Apo 12:16) I te taime tano, ua aratai Iehova, te Atua o te faaora, i te mau tia mana ia horoa i te tamǎrûraa i to ˈna nunaa.—Sal 68:20; Mas 21:1.

No te aha ïa tei te fare tapearaa noâ oe no to oe faaroo? Eiaha roa ˈtu e manaˈo e aita Iehova e haapao ra ia oe. (Ge 39:21-23; Sal 105:17-20) Ia papu ia oe e haamaitaihia oe no to oe taiva ore e e itoitohia te mau taeae na te ao nei maoti to oe hapa ore.—Php 1:12-14; Apo 2:10.

A MATAITAI I TE VIDEO UA MAHITI MAI TE MAU TAEAE KOREA MAI TE FARE TAPEARAA E A PAHONO I TO MURI NEI MAU UIRAA:

• No te aha ua tapeahia tausani o to tatou mau taeae i Korea apatoa i te roaraa o te mau matahiti?

• Eaha tei turai i te tiripuna ia farii ia matara mai vetahi o to tatou mau taeae i rapae i te fare tapearaa?

• E nafea tatou e tauturu ai i to tatou mau taeae na te ao nei tei te fare tapearaa noâ no to ratou faaroo?

• E nafea tatou e faaohipa ˈi i te tiamâraa ta tatou e fanaˈo nei?

• Maoti o vai i manuïa ˈi tatou i mua i te tiripuna?