Ia aravihi atu â i roto i te taviniraa: Nafea ia haere i nia JW.ORG?

NO TE AHA E MEA FAUFAA ˈI? I roto i ta tatou mau mauhaa no te taviniraa, te faahiti ra pauroa o ta tatou mau papai i te jw.org. Papu maitai, te fa matamua o te tareta jw.org e te api parau Ihea e ite ai i te pahonoraa i te mau uiraa faufaa roa o te oraraa?, o te faaiteraa ïa i ta tatou reni Internet. E nehenehe tatou e pûpû i te hoê papai o ta tatou mau mauhaa no te taviniraa ma te hapono atu i te reira na roto i te poroi roro uira aore ra ma te faaohipa i te reni Internet o tera papai. Mea maitai roa tera ravea ia tauaparau tatou i te taata e reo ê to ˈna. Hau atu, e ui paha vetahi i te mau uiraa tei pahonohia i roto i te tahi papai e ere hoê o ta tatou mau mauhaa no te taviniraa. Mai te peu e ite tatou e nafea ia haere i nia i te reni Internet, e aravihi atu â tatou i roto i te taviniraa.

NAFEA ÏA?

• 

  A faaohipa i te tuhaa “HAAPIIRAA BIBILIA.” Mai te peu te poro ra oe i te hoê metua o te hinaaro ra e ite atu â e nafea ia haapii i ta ˈna tamarii, a pata i nia HAAPIIRAA BIBILIA > TE FAAIPOIPORAA E TE UTUAFARE.

• A faaohipa i te tuhaa “PIAHIA.” Mai te peu te poro ra oe ma te faanaho ore i te fare haapiiraa e te hinaaro ra oe e pûpû i te buka rairai Pahonoraa i na 10 uira ta te taurearea e uiui nei i te hoê hoa, a pata i nia PIAHIA > BUKA E BUKA RAIRAI.

• A faaohipa i te tuhaa “NO NIA IA MATOU.” Mai te peu te poro ra oe i te hoa ohipa o te hinaaro ra e taio i te hoê faataaraa poto no nia i ta tatou e tiaturi ra, a pata i nia NO NIA IA MATOU > UIRAA A TE TAATA.

A MATAITAI NA I TE VIDEO NAFEA IA HAERE I NIA JW.ORG? E A FAAITE NA EAHA TE TUHAA O TA TATOU RENI INTERNET TA OE E FAAOHIPA NO TE TAUTURU I:

• te hoê taata o te ore e tiaturi ra i te Atua

• te hoê taata tei faaruru noa ˈtura i te tahi ati

• te hoê taeae aore ra tuahine o te ore e poro faahou ra

• te hoê taata ta tatou e hoˈi faahou e farerei o te ani mai e nafea e aufauhia ˈi te haamâuˈaraa o ta tatou ohipa

• te hoê taata no te tahi fenua ê o te hinaaro ra e haere i te putuputuraa i to ˈna fenua