Haapao maitai ia ore e turori e e faaturori ia vetahi ê

Ua faaohipa Iesu i te mau faahohoˈaraa no te haapii atu e mea ino ia turori aore ra ia faaturori ia vetahi ê.

18:6, 7

• E faahitihia te parau o te “ofai turoriraa” no te hoê ohipa aore ra tupuraa o te aratai i te tahi taata ia pee i te hoê eˈa ino. Oia atoa ia turori i te pae morare aore ra ia rave i te hara

• Mea maitai aˈe no te taata e faaturori ra i te tahi atu ia topa ˈtu i raro i te moana e te hoê ofai oro i nia i te aˈî

18:8, 9

• Ua faaitoito Iesu i ta ˈna mau pǐpǐ ia haapae i te mau mea atoa e faaturori ia ratou, noa ˈtu mea faufaa roa te reira mai te hoê rima aore ra mata

• Mea maitai aˈe ia vaiiho i teie mea faufaa roa e ia ô i roto i te Faatereraa arii a te Atua, i te tapearaa i taua mau mea ra e ia hurihia i Gehena, te taipe o te haamouraa mure ore

Eaha te nehenehe e riro ei ofai turoriraa i roto i to ˈu oraraa e e nafea vau e ore ai e turori aore ra e faaturori ia vetahi ê?