“A faatura i to metua tane e to metua vahine”

I to Iesu haereraa mai i nia i te fenua, ua haapapu oia i teie faaueraa: “A faatura i to metua tane e to metua vahine.” (Ex 20:12; Mt 15:4) Ua nehenehe iho â Iesu e parau i te reira inaha ua “auraro noa” oia i to ˈna na metua i to ˈna tamariiraa. (Lu 2:51) Ei taata paari, ua rave oia i te mau faanahoraa ia aupuruhia to ˈna mama i muri aˈe i to ˈna poheraa.—Ioa 19:26, 27.

I to tatou atoa tau, te faatura ra te feia apî Kerisetiano i to ratou na metua ma te auraro e ma te paraparau atu ma te tura. Noa ˈtu te tau, mea tano teie faaueraa. Noa ˈtu ua ruhiruhia to tatou na metua, mea titauhia ia tamau tatou i te faatura ia ratou ma te fanaˈo i to ratou haerea î i te paari. (Mas 23:22) Oia atoa ma te tauturu atu i te pae o te huru aau e i te pae moni, ia titauhia. (Ti1 5:8) Noa ˈtu mea apî aore ra ua paari tatou, e tamau tatou i te paraparau i to tatou na metua ma te au. Mea faufaa ia na reira no te faaite atu e te faatura ra tatou ia ratou.

A MATAITAI NA I TE HOHOˈA PAPAIHIA E NAFEA IA APARAU E TO ˈU NA METUA? E A PAHONO NA I TEIE MAU UIRAA:

• No te aha mea fifi paha no oe ia paraparau i to oe na metua?

• E nafea oe e faatura ˈi i to oe na metua a paraparau ai ia ratou?

  

• No te aha mea faufaa roa ia paraparau oe i to oe na metua? (Mas 15:22)