A ora no te arue ia Iehova!

E ô faufaa te ora. Na ta tatou huru faaohiparaa i teie ô i te mau mahana atoa e faaite e te haafaufaa ra anei tatou i te reira. Ei Ite no Iehova, e tutava tatou i te faaohipa i to tatou aravihi no te faahanahana e no te faateitei ia Iehova, te Tumu o te ora. (Sal 36:9; Apo 4:11) Tera râ, e nehenehe te mau ahoaho o te oraraa o teie ao ino e turai i te mau fa pae varua i te hiti. (Mk 4:18, 19) Mea maitai ia uiui tatou tataitahi: ‘Te horoa mau ra anei au i te mea maitai roa ˈˈe na Iehova? (Ho 14:2) Ihea ta ˈu ohipa aore ra toroa e aratai ai ia ˈu? Eaha ta ˈu mau fa pae varua? E nafea vau e faarahi atu â ˈi i ta ˈu taviniraa?’ Ia ite oe i te hoê tuhaa e tano ia haamaitai atu â, a ani i ta Iehova tauturu e a rave i te mau faatanoraa e titauhia. Mea papu, e aratai te arueraa ia Iehova i te mau mahana atoa ia fanaˈo i te hoê oraraa mauruuru e te oaoa!—Sal 61:8.

A MATAITAI I TE VIDEO A FAAOHIPA I TO OE ITE NO IEHOVA E A PAHONO I TEIE MAU UIRAA:

• No te aha e ere i te haerea paari ia pûpû i to tatou aravihi no te ao a Satani? (Io1 2:17)

• Eaha te mau haamaitairaa ta te feia e horoa ra i te mea maitai roa ˈˈe na Iehova e fanaˈo?

• I roto i teihea huru taviniraa moˈa e nehenehe ai oe e faaohipa i to oe mau aravihi?