E tauturu mai te tapearaa i te hoê oraraa haapae ia arue i te Atua

I teie mahana, mea ohie roa ia haafifi i to tatou oraraa i te mau mea e rave rahi. E titauhia te taime e te puai no te haere e hoo mai, no te aufau, no te faaohipa, no te atuatu e no te paruru i ta tatou e fatu nei. Ua ora Iesu ma te au noa, aita ïa te mau mea materia i haafariu ê ia ˈna i ta ˈna taviniraa.—Mt 8:20.

E nafea oe e nehenehe ai e faaiti mai i te tahi mau mea i roto i to oe oraraa ia nehenehe oe e horoa rahi atu â i roto i te taviniraa? I muri mai i te tahi mau faatanoraa, e nehenehe anei hoê mero o te utuafare e riro mai ei pionie? Noa ˈtu tei roto oe i te taviniraa taime taatoa, peneiaˈe ua vaiiho oe i te mau taoˈa materia e haafifi i to oe oraraa? E hopoi mai te hoê oraraa haapae e te au noa i roto i te taviniraa ia Iehova i te oaoa.—Ti1 6:7-9.

A papai eaha ta oe e nehenehe e rave no te faaiti mai i te tahi mau mea i roto i to oe oraraa.