ORARAA KERISETIANO
Ia aravihi atu â i roto i te taviniraa—A faaohipa i te mau video no te haapii i te taata
NO TE AHA E MEA FAUFAA ˈI?
E nehenehe te mau video e haaputapû i te aau o te taata ma te faaara i te mau tumu ite o te hiˈo e te faaroo. E tauturu te reira ia huti i te ara-maite-raa o te taata a vai noa ˈtu ai tei mataitaihia i roto i te feruriraa. Ua horoa Iehova i te hiˈoraa maitai roa ˈˈe ma te faaohipa i te tahi mau ravea ite-mata-hia no te haapii.—Ohi 10:9-16; Apo 1:1.
E tuhaa hau te mau video E iˈoa anei to te Atua?, O vai te tumu o te Bibilia? e E nafea e papu ai ia tatou e e parau mau te Bibilia? no te haapiiraa 2 e 3 o te buka rairai Parau apî oaoa. E faaitoito te mau video No te aha e haapii ai i te Bibilia?, Eaha te ravehia i te hoê haapiiraa Bibilia? e Eaha te ravehia i te hoê Piha a te Basileia? i te taata ia haapii i te Bibilia e tatou aore ra ia apiti i te mau putuputuraa. E nehenehe atoa e faaohipa i te tahi o ta tatou mau video huru roa ˈˈe i te hoê haapiiraa Bibilia.—km 5/13 3.
NAFEA ÏA?
A rave mai na mua roa i te video ta oe e hinaaro e faaite i te fatu fare
A faaineine hoê aore ra piti uiraa to roto te pahonoraa i te video
A mataitai i te video e o ˈna
A tauaparau no nia i te mau manaˈo faufaa
A TAMATA I TEIE:
A rave hoê o ta tatou mau api parau i te api hopea e a faaite atu i te hohoˈa iti o te faahaere i te vahi te vai ra te video No te aha e haapii ai i te Bibilia?
A faaite i te video E nafea e papu ai ia tatou e e parau mau te Bibilia? e a pûpû atu i te buka rairai Parau apî oaoa ma te huti i te ara-maite-raa i te haapiiraa 3