Tuhaa apî no te haamata i te aparauraa

Mai Tenuare 2016, e itehia te hoê tuhaa apî “Eaha ta te Bibilia e parau ra?” i te api hopea o Te Pare Tiairaa no te taatoaraa. E tauturu mai te reira ia haamata i te aparauraa no nia i te mau tumu parau Bibilia. Hoê â huru raveraa e ta tatou mau api parau. Te vai ra hoê uiraa manaˈo, te tahi pahonoraa Bibilia e te tahi atu mau manaˈo no te aparauraa.

Pinepine te mau tauaparauraa au maitai no nia i te tahi tumu parau Bibilia e aratai i te haapiiraa Bibilia. A faaohipa i tera tuhaa apî no te tauturu i te taata ia haamâha i to ratou mau hinaaro i te pae varua.—Mt 5:6.

E NAFEA IA FAAOHIPA I TERA TUHAA:

1. A ani i to te taata manaˈo no nia i te hoê o te mau uiraa

2. A faaroo e a haafaufaa i ta ˈna pahonoraa

3. A taio i te irava i raro aˈe i te tumu parau “Eaha ta te Bibilia e parau ra?” A ani i to ˈna manaˈo no nia i te irava. Ia taimehia, a tamau i te aparauraa ma te faaohipa i te tahi manaˈo i raro aˈe i te tumu parau “Eaha ˈtu â ta te Bibilia e haapii mai ra?”

4. A pûpû i te vea

5. A faanaho no te hoˈi faahou e farerei ia ˈna e a tauaparau i nia i te piti o te uiraa