VAIRAA PAPAI NATIRARA Watchtower

VAIRAA PAPAI NATIRARA

mwb16 Eperera api 3
A faaitoito ia vetahi ê maoti te mau parau maitai

Faaineineraa no te putuputuraa Oraraa e taviniraa Kerisetiano (2016)

mwb16 Eperera api 3

TAOˈA RAU BIBILIA | IOBA 16-20

A faaitoito ia vetahi ê maoti te mau parau maitai

Ia faaitoito te taata aˈo ia vetahi ê

Ua hepohepo e ua ahoaho Ioba. Ua hinaaro oia ia turu e ia faaitoito vetahi ê ia ˈna
Aita na hoa e toru o Ioba i paraparau no te tamahanahana ia ˈna. Ua faahapa râ ratou ia Ioba a rahi atu ai to ˈna hepohepo

Ua faaite Ioba i to ˈna hepohepo i muri iho i ta Biladada mau parau mauiui

Ua auê Ioba i te Atua no te horoa mai i te tahi tamǎrûraa, mai te pohe
Ua haapao noa Ioba i to ˈna tiaturiraa i te tia-faahou-raa e ua tamau oia i te faaruru i te fifi ma te taiva ore

Te paraparau ra Eliphaza ia Ioba a hi‘o noa ’i Biladada raua Zophara

FEIA FAAHAPA IA IOBA

Eliphaza:

No Temani paha oia, i te fenua o Edoma. Ia au i te Ieremia 49:7, o Temani te pû o te ite o te ati Edoma
Oia te taata paari aˈe i te matahiti e te mana roa ˈˈe i rotopu i na hoa faahua tamahanahana. O Eliphaza tei paraparau na mua roa. E toru taime oia i te paraparauraa ˈtu. Mea roa aˈe ta ˈna i parau i ta te tahi atu na taata e piti

Faahaparaa haavare:

Mea faufaa ore to Ioba taiva ore e aita te Atua e tiaturi nei i ta ˈna mau tavini (Ioba 4, 5)
E taata teoteo o Ioba e te ino mau, aita oia e mǎtaˈu i te Atua (Ioba 15)
E taata nounou o Ioba e te tia ore, mea faufaa ore te taata no te Atua (Ioba 22)

Biladada:

Hoê huaai o Sua. Ua ora paha oia i pihai iho i te anavai Eupharate
Te piti ïa o tei paraparau. E toru taime oia i te paraparauraa ˈtu. E mau parau poto aˈe e te mauiui roa ˈtu i ta Eliphaza

Faahaparaa haavare:

Ua hara ta Ioba mau tamarii e mea tano iho â te utua ta ratou i ite. E taata paieti ore o Ioba (Ioba 8)
Aita Ioba i tiaturi i te Atua (Ioba 18)
Mea faufaa ore to te taata taiva ore (Ioba 25)

Zophara:

Hoê ati Naama, no Arabia paha i te pae apatoerau tooa o te râ
Te toru ïa o tei paraparau e te taata faahapa ino roa ˈˈe. E piti noa taime oia i te paraparauraa ˈtu

Faahaparaa haavare:

Mea faufaa ore ta Ioba mau parau. Ua parau Zophara ia ˈna ia faaea i ta ˈna mau ohipa ino (Ioba 11)
Mea ino mau o Ioba e mea au na ˈna i te hara (Ioba 20)