A vaiiho i te puai o te Parau a te Atua ia ohipa i roto i ta oe taviniraa
Ia farii te tahi taata i te faaroo mai i te parau apî oaoa, e faaohipa maitai tatou i tera taime ma te vaiiho i te puai o te Parau a te Atua ia ohipa. E taio roa ˈtu ïa tatou i te mau irava i roto i te Bibilia. Ua haafaufaahia tera manaˈo i te mahana tairururaa taa ê i te matahiti i mairi aˈenei. Teie te tumu parau o te oreroraa parau ta te tiaau haaati i horoa: “A vaiiho i te puai o te Parau a te Atua ia ohipa i roto i ta oe taviniraa.” Te haamanaˈo ra anei oe i te mau tuhaa faufaa?
No te aha e mea puai aˈe te mau parau atoa a te Atua i ta tatou iho?—Tim. 2, 3:16, 17.
E nafea te Bibilia e haaputapû ai i te aau, e faatano ai i te manaˈo, e haamaitai ai i te huru o te taata e e faaite atoa ˈi eaha te haerea maitai?—A hiˈo i Te Pare Tiairaa o te 1 no Tiunu 2012, api 29, par. 7.
Ia taio tatou i te hoê irava i te tahi taata i roto i te taviniraa, e nafea ia faaite tamau i te Parau a te Atua ia haafaufaa te taata i te Bibilia?—A hiˈo i te buka École du ministère, api 148, par. 3-4 e i Ta tatou taviniraa i te Basileia no Mati 2013, api 8, par. 8.
No te aha mea faufaa ˈi ia faataa e ia haaferuri i te taata i nia i te mau irava e taiohia? E nafea tatou e na reira ˈi?—Ohi. 17:2, 3; a hiˈo i te buka École du ministère, api 154, par. 4 tae atu i te api 156, par. 4.