E faataa anaˈe i ta tatou mau tiaturiraa niuhia i nia i te matahiti 1914

Te faaitoito mai nei te Bibilia ‘ia vai ineine i te parau atu i te taata atoa’ no nia i ta tatou mau tiaturiraa, “ma te mǎrû e te auraro maite atu.” (Pet. 1, 3:15) Tera râ, e ere paha i te mea ohie ia faataa i te pue parau mau hohonu o te Bibilia, mai te haapiiraa e ua haamata te Basileia i te faatere i 1914. No te tauturu mai, i roto i Te Pare Tiairaa ta tatou e pûpû mai Novema 2014 e tae atu i te Fepuare 2015, te vai ra e piti tumu parau “Aparauraa e te hoê Ite no Iehova—Afea ra te Basileia o te Atua i haamata ˈi i te faatere?” A faaineine ai oe i teie mau tumu parau, a feruri maite i nia i te mau uiraa i muri nei a hiˈopoa ˈi i te huru pororaa o Cameron, te Ite no Iehova o te aparauraa.

Mea nafea o ˈna i te . . .

• haamauraa i te hoê tauaparauraa au maitai maoti te haapopouraa?—Ohi. 26:1-3.

• faaiteraa i te haehaa a faataa ˈi i ta ˈna mau tiaturiraa?—Ohi. 14:15.

No te aha ua tano oia i te . . .

• raveraa i te tahi haapotoraa o te mau tumu parau tei tauaparau-noa-hia ˈtura hou a hiˈopoa ˈi i te tahi atu?

• raveraa i te taime no te ani ia Jon e ua taa maitai anei ia ˈna i te mau tuhaa tei faataahia?

• oreraa e hiˈopoa e rave rahi tumu parau i te hoê noa aparauraa?—Ioa. 16:12.

Te mauruuru mau nei tatou ia Iehova, to tatou Orometua Rahi roa ˈˈe. Te haapii mai ra hoi oia e nafea ia faataa i te pue parau mau hohonu o te Bibilia i te feia e hiaai i te reira!—Ioba 36:22.