Eaha ta oe e rave i te mau mahana faaearaa ohipa?

I te mau mahana faaearaa ohipa, oroa anei na te haapaoraa aore ra na te hau, eita te rahiraa e rave i te ohipa. E taime maitai ïa te reira no te poro. Te faaitoitohia nei te mau matahiapo o te mau amuiraa ia rave i te faanahoraa taa ê no tera mau taime. I roto i te tuhaa fenua, e rave rahi paha te taoto maoro, e mea maitai aˈe ïa ia faatano i te hora o te putuputuraa no te pororaa. Ia ravehia te tahi faanahoraa apî no te poro i te mau mahana faaearaa ohipa, e horoahia paha te tahi parau faaara i te Putuputuraa no te taviniraa a faaitoito atu ai i te taatoaraa ia apiti atu. E faafaaea aore ra e haapao iho â tatou i ta tatou iho mau ohipa. No te aha râ e ore ai e faaherehere i te taime no te poro i tera mahana? Ma te apiti i te taviniraa moˈa, e itoitohia e e oaoa ˈtoa oe.—Mat. 11:29, 30.