E operehia te Parau apî o te Basileia n^o 38 i Novema!

1. Eaha te mau uiraa ta te taata e uiui nei e e nafea te reira e pahonohia ˈi i te avaˈe Novema?

¹ Noa ˈtu e e haapaoraa ta te taata, e enemi te pohe no te taatoaraa. (Kor. 1, 15:26) E rave rahi te uiui nei eaha te tupu i muri aˈe i te pohe e e nehenehe anei e farerei faahou i tei faarue mai. Hoê avaˈe te maoro, e opere te mau amuiraa na te ao nei i te Parau apî o te Basileia n^o 38, “E tia faahou iho â anei te feia pohe?” E haamata tera opereraa taa ê i te 1 no Novema. I muri aˈe i te reira, e faaohipahia te Parau apî o te Basileia n^o 38 ei api parau no te taviniraa.

2. Mea nafea te Parau apî o te Basileia n^o 38 i te faaineine-raa-hia?

² Mea nafea te reira i te faaineine-raa-hia? E nehenehe e tufetu i te Parau apî o te Basileia n^o 38 na te roaraa. I te api matamua, no te haaferuri i te taata, te vai ra te uiraa, “E parau anei oe . . . e? eita? peneiaˈe?” Ma te huri i te api, e ite oia i ta te Bibilia e parau ra e te auraa o te parau fafau Bibilia no ˈna. E hiˈo atoa paha oia i te mau tumu e nehenehe ai o ˈna e tiaturi i te reira. Ia hinaaro te taata e ite atu â, ua tuuhia te tahi atu uiraa e titau-manihini-raa i te api hopea o te Parau apî o te Basileia.

3. E nafea ia opere i te Parau apî o te Basileia n^o 38?

³ E nafea ia opere? E tuea teie opereraa i tei ravehia na no te pûpû i te mau titau-manihini-raa no te Oroa haamanaˈoraa e tairururaa mataeinaa. E faaite te mau matahiapo e nafea ia opere i te reira i roto i te tuhaa fenua ˈtoa a te amuiraa ia au i te rata o te 1 no Eperera 2013. E mea iti anei te tuhaa fenua a ta oe amuiraa? E oaoa paha ïa to te mau amuiraa tapiri e poro nei i roto i te tuhaa fenua rahi aˈe i te tauturu ia outou. Ia tae atu te mau Parau apî o te Basileia n^o 38, a rave noa i tei hinaarohia no te hebedoma no te opere na mua roa i te tera e tera fare e i muri aˈe, i te vahi taata. Ia oti te opereraa hou te hopea avaˈe, e nehenehe e horoa i te mau papai e pûpû i Novema. I te Mahana maa matamua, e haafaufaa na mua tatou i te opereraa o te Parau apî o te Basileia i te haamataraa i te haapiiraa Bibilia. I te hopea hebedoma, ia tano, e pûpû atoa tatou i te mau vea. E faanaho anei oe ia oe no te apiti i tera opereraa taa ê?