Pahonoraa i ta outou mau uiraa

◼ Eaha te mau faaueraa Bibilia no te faaohiparaa o te niuniu afaifai i te putuputuraa e i roto i te taviniraa?

“E tau to te mau mea atoa.” (Koh. 3:1): I te mau taime atoa, maoti te niuniu afaifai e paraparau e e hapono ai tatou i te poroi ia vetahi ê ma te ore e farerei atu. Te vai ra râ te mau tupuraa eita ˈi te mau Kerisetiano e hinaaro ia haapeapeahia ratou. I te mau putuputuraa tatou e haamori ai ia Iehova e e haapii ai no nia ia ˈna. I reira atoa e faaitoitohia ˈi te tahi e te tahi. (Deut. 31:12; Sal. 22:22; Roma 1:11, 12) E nehenehe anei ïa e tupohe i te niuniu afaifai ia tae atu tatou i te Piha a te Basileia e e hiˈo i te mau poroi a hoˈi ai i te fare? Aita anaˈe, no te tahi tumu taa ê aore ra ru, a faatano i te reira ia ore vera ma e haapeapeahia.

‘A na reira no te evanelia.’ (Kor. 1, 9:23): I te tahi taime, e nehenehe iho â e faaohipa i te niuniu afaifai i roto i te taviniraa. E na reira paha te taeae e haapao ra i te pǔpǔ pororaa no te ite tei roto noa anei te taata poro i te tuhaa fenua. Aore ra mai te peu e mea atea to ˈna faaearaa, e niuniu atu paha te taata poro i te piahi hou a tere atu ai i ǒ na. Eiaha râ te niuniu afaifai e haafifi mai a poro ai tatou i te taata. (Kor. 2, 6:3) Mea maitai aˈe ia haapao i ta tatou taviniraa e tei apiti mai i te niuniu aore ra hapono i te poroi i te hoa.

A faatura ia vetahi ê. (Kor. 1, 10:24; Phil. 2:4): Eiaha roa tatou e taere i te putuputuraa no te pororaa ma te manaˈo e e nehenehe e niuniu aore ra e hapono i te poroi no te ite i te tuhaa fenua. Ia maoro tatou, e pinepine e titauhia ia faanaho-faahou-hia te taata poro. E taere iho â tatou no te tahi tupuraa manaˈo-ore-hia. Ma te tae oioi atu râ e peehia ˈi ta Iehova faanahoraa e e faatura-atoa-hia ˈi te taeae e haapao ra i te pǔpǔ e te mau taata poro.