A faaitoito i te poro i te fare haapiiraa
1. E titauhia te itoito, no te aha?
1 Ua tapea ê na anei te mǎtaˈu ia faahaamahia oe, te mamahu, ia poro i te fare haapiiraa? E titauhia iho â te itoito. Eaha te tauturu ia oe?
2. Ia feruri i te aha a poro ai i te fare haapiiraa?
2 A feruri: E nehenehe oe e poro i te fare haapiiraa. E ere râ mai te pororaa i tera e tera fare. Eita oe e paraparau no nia i te Bibilia i te mau taata atoa. A feruri afea e faaite ai i to faaroo. (Koh. 3:1, 7) Ia tauaparauhia aore ra ia horoahia mai ïa te tahi tumu parau. Aore ra ia uihia mai no te aha oe e ore ai e apiti i te tahi mau ohipa. E faaite oioi atoa vetahi mau Kerisetiano i ta ratou mau orometua e e Ite no Iehova ratou ma te pûpû atu i te tahi papai o te faataa i ta ratou mau tiaturiraa. E nehenehe atoa e vaiiho i te tahi papai i te hoê vahi e itehia no te faatupu i te uiraa a vetahi atu hoa haapiiraa.
3. E nafea ia faaineine ia oe?
3 Ia ineine oe: E itoitohia oe ia faaineine oe. (Pet. 1, 3:15) A feruri i te mau uiraa e tuuhia mai e e nafea ia pahono atu. (Mas. 15:28) Ia nehenehe, a rave atu i ta oe Bibilia e te tahi mau papai, mai te buka Haaferuriraa, Les jeunes s’interrogent e te tahi atu no nia i te poieteraa, tei roto noa ïa i ta oe pute. A ani atoa i to mau metua ia hauti i te tahi tupuraa i te taime haamoriraa utuafare.
4. No te aha e poro noa ˈi i te fare haapiiraa?
4 Ia maitai noa to feruriraa: Eiaha e manaˈo e e faahaama mai to mau hoa haapiiraa ia poro atu oe. E hiˈo mai paha vetahi i to oe itoito a faaroo mai ai. Eiaha râ e taora i te tauera aita anaˈe. E oaoa Iehova i ta oe mau tutavaraa. (Heb. 13:15, 16) A ani noa i ta ˈna tauturu no te paraparau ma te mǎtaˈu ore. (Ohi. 4:29; Tim. 2, 1:7, 8) A feruri na i to oe oaoa ia faaroo e ia tavini mai te hoê ia Iehova!