A pûpû i te tahi vea tahito aore ra buka rairai ta te taata e anaanatae ra

I te tahi mau avaˈe, e pûpû tatou i te buka Bibilia haapii a tutava ˈtu ai i te haamata i te hoê haapiiraa i te farereiraa matamua. E mai te peu e te vai ra ta te taata teie buka e eita oia e farii i te haapiiraa, ua faaitoitohia tatou ia pûpû i te tahi vea tahito aore ra buka rairai ta te taata e anaanatae ra. No te aha?

Te faahiti nei te mau buka rairai e te mau vea tahito i te mau tumu parau rau e tano noâ. E nehenehe te tahi e haaputapû i te aau o te taata. No reira, a tuu atoa ˈtu tau buka rairai e vea tahito i roto i ta oe pute. Aita anaˈe ta oe, e nehenehe oe e ani i te tahi i te taeae haapao vea. E nehenehe ïa oe e faaite i tera mau vea e buka rairai i te taata te vai ra ta ˈna te buka Bibilia haapii e tei ore e farii i te haapiiraa, e e parau ia ˈna ia rave i ta ˈna e anaanatae ra. Ia oti, a faanaho no te hoˈi atu e atuatu i to ˈna anaanatae. Peneiaˈe, i te tau au, e farii oia i te hoê haapiiraa Bibilia.