‘Ia raa to te Atua iˈoa’
1. Eaha te manaˈo tumu o ta tatou tairururaa haaati, e ua niuhia i nia i teihea irava?
1 E fanaˈoraa taa ê mau â ia amo i te iˈoa o te Arii o te ao taatoa, Iehova! Na ˈna i horoa roa mai i tera iˈoa, amohia e te mau Ite no Iehova mai te matahiti 1931. (Isa. 43:10) Ua haafaufaa ta te Atua Tamaiti fanau tahi Iesu i to ˈNa iˈoa ma te faahiti na mua i te reira i roto i te pure ta ˈna i haapii i ta ˈna mau pǐpǐ. (Mat. 6:9) Tera te niu o te manaˈo tumu o ta tatou tairururaa haaati o te matahiti taviniraa 2012, “Ia raa to te Atua iˈoa.”
2. Eaha te tiai maira ia tatou?
2 Ta tatou e fanaˈo: I te Mahana maa, e faaite mai te oreroraa parau “A faaite i to te Atua iˈoa ei tavini taime taatoa,” no te aha e huru oraraa mauruuru ai te taviniraa taime taatoa. E tauturu mai te oreroraa parau tatuhaahia “A ara eiaha to Iehova iˈoa ia faainohia,” ia ore ia topa i roto e maha marei atâta. E pahono te oreroraa parau “No te aha ia raa ˈi to te Atua iˈoa?” i e piti uiraa: Eaha te tauturu mai ia poro ma te itoito rahi i te taata tei ore i anaanatae roa? e Eaha te tauturu mai ia aravihi atu â i roto i te taviniraa? I te Tapati, maoti te oreroraa parau e maha tuhaa, e ite tatou e nafea ia faaraa i to te Atua iˈoa ma to tatou mau manaˈo e haerea e ta tatou huru paraparau e faaotiraa. E au te feia i anaanatae apî mai i te oreroraa parau na te taatoaraa “E haamaitai Iehova i to ˈna iˈoa rahi i Aramagedo.”
3. Eaha ta tatou fanaˈoraa taa ê, e e nafea te porotarama e tauturu mai ai?
3 Fatata roa Iehova i te haamaitai aore ra i te haamoˈa i to ˈna iˈoa. (Ezk. 36:23) A tiai ai, e fanaˈoraa taa ê ta tatou: e turu i te mau mea atoa ta te iˈoa o Iehova e faahohoˈa ra. E tauturu mai te tairururaa haaati ia tatou taitahi ia haapao i ta tatou hopoia faufaa ei taata e amo ra i to te Atua iˈoa.