‘No te evanelia e na reira ˈi tatou’
1. Ua ineine te mau taata poro i te Basileia i te rave i te aha, e no te aha?
1 No te aposetolo Paulo, e hopoia na ˈna ia faaite i te evanelia ia vetahi ê. (Kor. 1, 9:16, 19, 23) Oia atoa, e turai to tatou tapitapi no te maitai mure ore o te taata ia tatou ia tutava taa ê i te faaite i te evanelia ia ratou.
2. Eaha ta tatou i ineine i te rave i roto i te taviniraa, e no te aha?
2 A poro i te vahi e i te taime tei reira te taata: E taora te hoê taata ravaai aravihi i ta ˈna anave aore ra upeˈa, eiaha i te vahi e i te taime e tano no ˈna, i te vahi e i te taime râ e noaa ˈi te iˈa. E mea tia paha ia faatano tatou atoa, ei “ravaai taata,” i ta tatou porotarama no te ite mai i te taata i roto i ta tatou tuhaa fenua e no te oaoa ˈtu â i te fanaˈoraa taa ê e ohi “i te iˈa e rave rahi te huru ra.” (Mat. 4:19; 13:47) E nehenehe anei tatou e farerei i te taata i ǒ ratou i te ahiahi aore ra e poro na te mau aroâ i te aahiata? Ta Paulo fa, o te ‘faaite-hua-raa ˈtu ïa i te evanelia,’ e ua haafaufaa oia i te mau taime maitatai no te na reira.—Ohi. 17:17; 20:20, 24.
3, 4. Tei roto anaˈe tatou i te taviniraa, e nafea tatou e faatano atu ai? E ma teihea mau faahopearaa?
3 A faatano i ta tatou faaiteraa ia au i te mau hinaaro: E faatano pinepine te mau taata ravaai i ta ratou huru taiˈaraa ia noaa mai te tahi huru iˈa taa ê. E nafea tatou e nehenehe ai e faaite i te evanelia o te Basileia ia anaanatae mai te taata o ta tatou tuhaa fenua? Ma te faaô atu ma te faatano i te parau i te hoê tumu parau ta te rahiraa o te taata e anaanatae ra a faaroo maite atu ai i to ratou manaˈo no nia i te reira. (Iak. 1:19) E nehenehe tatou e tuu atu i te hoê uiraa manaˈo ia paraparau mai ratou. (Mas. 20:5) Ma te na reira, e nehenehe ïa tatou e faatano i ta tatou faaiteraa i te evanelia ia ohipa te reira i nia i to ratou oraraa. Ua faaau Paulo ia ˈna iho “i te mau mea atoa i te taata atoa nei.” (Kor. 1, 9:22) E mea faufaa roa te faaau-ohie-raa no te haaputapû i te aau o te taata.
4 Auê te oaoa ia faaite i “te parau oaoa e te maitai” i te taata e! (Isa. 52:7) ‘No te evanelia ïa e na reira ˈi tatou’ ia naea te taata e rave rahi.—Kor. 1, 9:23.