Pahonoraa i ta outou mau uiraa

◼ Eaha te ravea maitai roa ˈˈe no te horoa i te ô moni na te mau taeae e hinaaro ra i te tauturu i te tahi atu mau fenua?

Te faaroo nei tatou i te tahi taime e ua roohia to tatou mau taeae e tuahine i te tahi atu mau fenua i te mau fifi i te pae materia no te hamani-ino-raa, te ati natura aore ra te tahi atu mau tupuraa fifi. Ua turaihia te tahi mau taeae ia hapono tia ˈtu i te mau ô i te mau amaa o taua mau fenua ra, ma te ani e ia faaohipahia te moni no te taururu i te hoê taata papu maitai, te hoê amuiraa taa maitai aore ra te hoê ohipa paturaa tei faataa-maitai-hia.—Kor. 2, 8:1-4.

Noa ˈtu e mea popou taua tapitapi î i te here ra i te mau hoa faaroo, e pinepine te vai nei te mau hinaaro ru roa ˈˈe i ta te taata horoa i te ô moni e manaˈo ra. I roto i te tahi mau tupuraa, ua faaafaro-aˈena-hia te fifi. Parau mau, e nehenehe tatou e tiaturi e e faaohipahia te mau ô tei haponohia i ta tatou amaa no te ohipa na te ao nei, no te Faufaa no te mau Piha a te Basileia aore ra no te ohipa tauturu, mai ta te taata horoa i te ô moni i faaue.

I roto i te mau amaa atoa, te vai ra te mau faaueraa taa maitai e nehenehe ai te mau taeae e tauturu oioi ia fa mai te mau fifi tei ore i manaˈohia. I roto i te mau tupuraa atoa, e faaite te amaa i te fifi i te Tino aratai. Ia hinaarohia te tauturu hau, e nehenehe te Tino aratai e titau manihini i te mau amaa tapiri ia tauturu aore ra e nehenehe te pu rahi e hapono tia ˈtu i te mau ô moni.—Kor. 2, 8:14, 15.

No reira, e mea tia ia hapono tia ˈtu i te mau ô moni atoa no te ohipa na te ao nei, no te ohipa paturaa i te tahi atu mau fenua aore ra no te ohipa tauturu i te amaa o to outou fenua, aore ra na roto i te amuiraa. E nehenehe ïa “te tavini haapao maitai e te paari” e tauturu i te mau hinaaro o te huitaeae na te ao atoa nei ma te naho maitai, ma te faaohipa i te mau faanahoraa ta te Tino aratai i haamau.—Mat. 24:45-47; Kor. 1, 14:33, 40.