Pahonoraa i ta outou mau uiraa

◼ E nafea e noaa ˈi ta outou iho mau vea Te Pare Tiairaa e Réveillez-vous!?

I te mea e aita i maoro aˈenei, ua vaiihohia te tamatahitiraa o te mau vea e o te mau ripene haruharu o Te Pare Tiairaa e o te Réveillez-vous! na roto i te mau reo atoa, e noaa ïa ta te feia poro vea, ripene haruharu e CD (faito MP3; i teie taime, na roto i te reo Beretane) na roto i ta ratou amuiraa. E faanahoraa taa ê to te mau vea neneihia aore ra haruharuhia no te feia matapo, o te haponohia ma te tamoni ore i te feia e hinaaro. A tapao na e i nia i te api parau Demandes pour congrégation (M-202), e nehenehe te mau amuiraa e ani i te mau vea haruharuhia i nia i te ripene aore ra te CD, oia atoa te mau numera na roto i te mau reo ěê aore ra i te papai rarahi.

Mai te peu e e ani te tahi taata o te tuhaa fenua i te fanaˈo tamau i te mau vea, eiaha e haamoe i te horoa ˈtu. E nehenehe te feia tiavaruhia e fanaˈo i te mau vea aore ra i te tahi atu mau papai na ratou iho i te Piha a te Basileia. Eiaha te feia poro e opere i te mau vea na te feia tiavaruhia.

E tamau te amaa no Tahiti i te haapao i te mau tamatahitiraa noa o te ore e nehenehe e ravehia i roto i te tapura opereraa vea. Mai te peu e e hapono te tomite tiaauraa a te amuiraa i te hoê aniraa i te tamatahitiraa no te hoê taata eita ta ˈna e nehenehe e fanaˈo i te mau vea na roto i te tahi atu ravea, e faataa poto te taeae papai parau na roto i te hoê parau iti e ua hiˈopoa-maite-hia e ua fariihia tera aniraa e te tomite tiaauraa a te amuiraa.

Te auraa ïa eiaha te feia poro e papai i te amaa no te ani i te tamatahitiraa. E faahoˈihia ˈtu i te amuiraa tera mau aniraa a te feia poro aore ra a te feia e hinaaro e taio i ta tatou mau vea.

◼ E nafea e noaa ˈi ta te hoê taata tapeahia vea?

Mai te peu e e faatiahia te amuiraa o te haapao ra i te pororaa i te fare tapearaa ia opere i te mau vea na te feia no reira, e nehenehe tera mau taata e ani atu i te feia poro o te farerei ia ratou. Mai te peu e eita e faatiahia, e nehenehe te hoê taata tapeahia e ani i te hoê tamatahitiraa ma te papai roa ˈtu i te amaa. A tapao na e no te feia tiavaruhia i tapeahia atoa te mau faanahoraa i faataahia i roto i teie paratarafa.