Pahonoraa i ta outou mau uiraa

◼ Ia vai e tia ˈi ia horoahia te hoê tareta iˈoa no te tairururaa mataeinaa?

E tauturu te mau tareta iˈoa no te mau tairururaa mataeinaa ia ite tatou i to tatou mau taeae e e huti te reira i te ara-maitai-raa i nia i te tairururaa. Eita râ e tia ia operehia na te mau taata atoa. No roto te feia e tamau ra i te reira i te hoê amuiraa e e roo maitai to ratou.

I nia i te tareta iˈoa, te vai ra hoê reni no te iˈoa o te taata e tamau i te reira e hoê reni no te iˈoa o ta ˈna amuiraa. No reira, e tia i te taata ia apiti ma te hoê faito tano i roto i te amuiraa i papaihia i nia iho. E hapono te Taiete i te mau tareta iˈoa ia au i te hoê faito taotiahia i te mau amuiraa atoa. Mea tano ia horoa i te hoê tareta iˈoa na te feia poro atoa, bapetizohia aore ra aita. E horoa-atoa-hia ta te mau tamarii e te feia o te tae tamau nei i te mau putuputuraa e o te haere ra i mua no te apiti atu i roto i te pororaa. Eita te reira e horoahia na te hoê taata tiavaruhia.

Ia tae mai te mau tareta iˈoa, e ara te mau matahiapo e ia operehia te reira ia au i teie mau faaueraa.