Te haapiiraa i te mau buka E ora e a muri noa ˈtu e Tahoêhia i roto i te haamoriraa
1 E haamata tatou i te mau haapiiraa bibilia ma te faaohipa i te hoê api parau iti, hoê vea iti, hoê vea aore ra hoê buka. E mea faahiahia te buka Te taata rahi roa ˈˈe i ora aˈenei e te opere-rahi-hia nei; no reira te faaohipahia ra no te haamata i te mau haapiiraa. E hinaaro paha vetahi e taio e e haapii i taua buka ra. O ta tatou ïa e rave nei ma te faaineine i te haapiiraa buka e ma te haere-tamau-raa.
2 Teie râ, no te tauturu i te feia apî ia taa i te mau haapiiraa tumu o te Bibilia e te mau ture atoa o te faaoti i te oraraa o te kerisetiano, e tia ia tatou ia haapii na muri ia ratou i na buka e piti i muri mai: E nehenehe oe e ora e a muri noa ˈtu i roto i te paradaiso i nia i te fenua nei e Tahoêhia i roto i te haamoriraa o te Atua mau hoê roa. Mai te peu e te aratai nei tatou i te hoê haapiiraa bibilia maoti i te hoê buka ê atu, e ara tatou ia tamau i te haapiiraa i nia i te hoê o na buka e piti tei faahitihia mai nei, e te reira ia nehenehe tatou e rave ma te au. Mai te peu e tei nia te haapiiraa i te buka Te taata rahi roa ˈˈe, e faaitoito tatou i te taata ia tamau o ˈna iho i te taio. E tia ia tatou ia tamau i te haapii e te hoê taata apî tae noa ˈtu i te taime e hope ai na buka e piti, noa ˈtu e bapetizo o ˈna ia ˈna. Ia na reira tatou, e noaa mai ia ˈna te aravihi hau atu e e ore oia e aueue i te pae varua.