Mau parau faaite

◼ Mau buka pûpûhia i te avaˈe setepa: E nehenehe oe e ora e a muri noa ˈtu i roto i te paradaiso i nia i te fenua nei no te tino moni e 160 tara (faito rahi) aore ra e 80 tara (faito nainai farani). Atopa: Te huitaata i nia i te eˈa o te maimiraa i te Atua (farani) no te tino moni e 80 tara aore ra te tamatahitiraa i te A ara mai na! aore ra Te Pare Tiairaa no te tino moni e 320 tara. Novema: Te mau Papai moˈa — Tatararaa a te ao apî (farani) e te buka Te Bibilia — Parau na te Atua aore ra na te taata? no te tino moni e 250 tara. Titema: Te taata rahi roa ˈˈe i ora aˈenei no te tino moni e 120 tara. FAAARARAA: Te mau amuiraa o te hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14). A haamanaˈo i te ani i te mau vea hau o ta outou e hinaaro ra no te opereraa o te avaˈe atopa.

◼ E hiˈopoahia te mau tabula faufaa moni a te amuiraa i te 1 no setepa, aore ra i muri noa ˈˈe i teie taio mahana, e te tiaau-peretiteni aore ra te hoê taeae tei faataahia e ana. E faaitehia i muri iho i te amuiraa e ua ravehia taua hiˈopoaraa ra.

◼ Mai te 8 no novema 1993 e tae noa ˈtu i te 2 no me 1994, e hiˈopoahia te buka Nafea ia faatupu i te hoê oraraa utuafare oaoa i roto i te mau haapiiraa buka.

◼ E tia i te feia poro o te opua ra e rave i te taviniraa pionie tauturu i te avaˈe atopa ia faahoˈi oioi i ta ratou aniraa. E nehenehe ïa te mau matahiapo e rave i te mau faanahoraa no te mau buka e te mau tuhaa fenua.

◼ E ara te mau matahiapo i te apee i te mau aˈoraa a Te Pare Tiairaa no te 1 no eperera 1991, mau api 25-27, no te taata tiavaruhia atoa aore ra tei iriti ia ˈna e o te faaite ra i te hinaaro e hoˈi faahou mai i roto i te amuiraa.

◼ E hopoihia ˈtu e maha vea apî no te Mau tarifa i te amuiraa tataitahi. E horoahia ratou i te papai parau e i te mau taeae o te haapao i te mau buka, te mau vea e te mau tabula faufaa moni.

◼ Te nenei ra te Taiete i te mau buka tahoêhia no te mau matahiti 1970-1979 o Te Pare Tiairaa na roto i te reo beretane, e mau tumu parau tamau teie. E ani ïa te feia o te hinaaro e noaa mai i taua mau buka tahoêhia na roto i te arai o ta ratou amuiraa. A haamanaˈo e e noaa noa mai te mau buka tahoêhia na nia i te hoê aniraa taa ê.

◼ Mau buka apî e vai ra:

Farani: Te mau Ite no Iehova: Feia poro no te Basileia o te Atua; Eaha te tumu o te oraraa? Nafea outou e ite ai i te reira?

◼ Ia tapiri atu tatou i te porotarama haapiiraa i te hoê â taime o Te Pare Tiairaa, i te tahi mau hebedoma, e hiˈopoahia e piti tumu parau o te haapiiraa. Aita e taioraa i te mau paratarapha e e 1 hora te maoro te haapiiraa. Mai te avaˈe setepa, e faaôhia te hoê porotarama i roto i te Te taviniraa o te Basileia.

◼ A tapao i te numera niuniu apî o te Betela no Toahotu: 54.70.00. Mai te 1 no setepa, e noaa ia outou te mau tuhaa o te Betela na roto i teie numera.