E hoˈi anaˈe ma te oaoa e tauturu i te mau taata i farii maitai
1 O tatou paatoa o te apiti ra i roto te pororaa i tera e tera fare, te hinaaro nei tatou e tauturu i te feia i farii maitai. E huti mai tatou i te oaoa e te hoê mauruuru hohonu (hiˈo i te Salamo 126:5, 6). No te na reira, e tia ia tatou ia faaineine.
2 No te faaineine, e tia na mua ˈˈe ia rave i te mau tapaopaoraa tano maitai no tera e tera fare. E tapao i te tumu parau ta tatou i aparau na i te farereiraa matamua e te taata, e eaha to ˈna huru. E hinaaro atoa paha tatou e tapao e nafea ia haamata i te aparauraa ia hoˈi faahou mai tatou.
3 Ei hiˈoraa, mai te peu e ua aparau na tatou i te taime matamua no nia i te pure To matou Metua, e i muri iho ua vaiiho atu tatou te vea iti “Faatereraa”, e parau poto noa tatou e:
◼ “I te taime i mairi aˈenei, ua aparau na taua i te ravea e tupu ai te hinaaro o te Atua i nia i te fenua, e ua parau atu vau ia oe e ite tatou i te hau i roto i te mau tuhaa atoa o te oraraa. A hiˈo na i tei parauhia ra i te apî 29 o te vea iti o ta ˈu i vaiiho mai no nia i te tahi mau haamaitairaa o ta te Basileia o te Atua e afai mai no te mau taata.”
4 Mai te peu e te feaa ra te taata i nia i te vairaa mau o te Atua, e parau ïa tatou ia ˈna ei hiˈoraa e:
◼ “Te taime i mairi aˈenei i to ˈu haereraa mai, ua aparau na taua i te haaferuriraa tei faahitihia e Paulo i roto i te Hebera 3:4. Te horoa nei taua haaferuriraa ra i te mau tumu papu ia faaoti e o te hoê Poiete maramarama te tumu o te mau mea atoa.” E taio faahou i taua irava ra, e i muri iho e faahaere atu i te mau apî 4-9 o te vea iti Te haapao mau ra anei te Atua ia tatou? e rave faahou mai i te vahi i reira to tatou faaearaa i te aparauraa matamua. E ani anaˈe i te uiraa, e i muri iho e taio i te paratarapha, e vaiiho i te taata ia pahono. Mai te peu e e nehenehe, e titau manihini ia ˈna ia rave i ta ˈna vea iti e ia hiˈopoa e o tatou.
5 Mai te peu e te oaoa ra te taata i te aparauraa matamua i to ˈna oraraa, i te pae materia aore ra te tahi atu, e hohora tatou i te api parau iti E ora anei teie nei ao? e taio i te parau o te api 6. E ani i te taata e mai te peu e hinaaro anei o ˈna e ora i nia te hoê fenua e faarirohia ei paradaiso nehenehe. No te faito i to ˈna anaanatae, e ani tatou ia ˈna i to ˈna manaˈo i te hoê faahohoˈaraa aore ra i te hoê parau faaitoito i roto i te hoê vea.
6 E na reira atoa tatou e te hoê tumu parau o Te Pare Tiairaa aore o te A ara mai na! o ta tatou i aparau na. E hoˈi tatou i nia i te tumu parau i reira to tatou hutiraa te ara-maite-raa i te aparauraa matamua, e i muri iho e faahiti anaˈe i te tahi manaˈo anaanatae i roto i te tumu parau aore ra i roto i te tahi numera te vai ra ia tatou nei. Mai te peu e nehenehe, e taio i te hoê irava e te taata e faaroo ra ia tatou e ani ia ˈna e nafea o ˈna ia tatara.
7 Ia anaanatae te hoê taata i te poroi, eiaha tatou e haamarirau i te pûpû i te tamatahitiraa. Eiaha roa ˈtu tatou e feruri i te tahi manaˈo no te taata e faaroo ra ia tatou.
8 Eiaha ia moehia ta tatou tapao, oia hoi te haamataraa i te hoê haapiiraa bibilia. No te tapae, e tia ia rahi te hoˈi-faahou-raa e farerei i te hoê taata no te faaara to ˈna anaanatae. E faaite tatou ia ˈna e te tapitapi nei tatou no ˈna ma te hoˈiraa e farerei ia ˈna.
9 E horoa mai te parau apî maitai ta tatou e poro ra i te hoê oaoa rahi (Luka 2:10). Auê te oaoa ia ite i te feia i te farii maitai i ta tatou mau tutavaraa (Phil. 4:1)! E ite tatou i taua oaoa ra mai te peu e hoˈi faahou tatou e tauturu i te feia i farii maitai o ta tatou e farerei i roto i te pororaa.