Eaha ta te Bibilia e parau ra?

Eaha Aramagedo?

Te manaˈo ra vetahi:

E mou te fenua na roto i te mau mauhaa atomi aore ra i muri aˈe i te tahi ati o te tuino roa i te natura. Eaha to oe manaˈo?

Ta te Bibilia e parau ra:

Aramagedo, o “te tamaˈi o te mahana rahi o te Atua Mana hope.” I tera taime o ˈna e haamou roa ˈi i te feia iino.—Apokalupo 16:14, 16.

Eaha ˈtu â ta te Bibilia e haapii mai?

• I te tamaˈi Aramagedo, eita te Atua e haamou, e faaora râ oia i te fenua i te rima o te feia e tuino ra ia ˈna.—Apokalupo 11:18.

• I Aramagedo, e faaore-roa-hia te mau tamaˈi atoa.—Salamo 46:8, 9.

E nehenehe anei e ora ˈtu i te tamaˈi Aramagedo?

Eaha ta oe e pahono?

• E

• Eita

• Peneiaˈe

Ta te Bibilia e parau ra:

E ora ˈtu “te hoê nahoa rahi” no roto mai i te mau nunaa atoa i “te ati rahi” o te hope i te tamaˈi Aramagedo.—Apokalupo 7:9, 14.

Eaha ˈtu â ta te Bibilia e haapii mai?

• Te hinaaro ra te Atua ia ora ˈtu te taata atoa i te tamaˈi Aramagedo. O te feia iino anaˈe o te ore e taui ta ˈna e haamou.—Ezekiela 18:32.

• Te faataa ra te Bibilia eaha te tia ia rave no te ora ˈtu i Aramagedo.—Zephania 2:3.