I raro aˈe i te Faatereraa arii a te Atua, “e oaoa [te taata] i te rahi o te hau.”—Salamo 37:11
Eaha ta te Bibilia e parau ra?
E nehenehe anei te Bibilia e tauturu atu ia ahoaho oe?
Eaha ta oe e pahono?
E
Eita
Peneiaˈe
Ta te Bibilia e parau ra
“A huri . . . i to outou mau ahoaho atoa i nia [i te Atua], no te mea te tâuˈa mai ra oia ia outou.” (Petero 1, 5:7) Mea mahanahana mau ia ite te parau ra te Bibilia e nehenehe te Atua e tauturu ia oe ia faaea i te ahoaho.
Eaha ˈtu â ta te Bibilia e haapii mai?
Maoti te pure, e nehenehe oe e fanaˈo i “te hau o te Atua” o te tamǎrû atu ia ahoaho oe.—Philipi 4:6, 7.
E tauturu atoa te taioraa i te Parau a te Atua ia hepohepo oe.—Mataio 11:28-30.
E faaea roa anei te taata i te ahoaho i te hoê mahana?
Te parau ra vetahi: Eita, no te mea mai tera iho â te oraraa. Area te tahi atu, te parau ra e faaea roa te taata i te ahoaho i muri aˈe noa râ i to ratou poheraa. E oe, eaha to oe manaˈo?
Ta te Bibilia e parau ra
E faaore te Atua i te mau mea atoa o te faatupu i te ahoaho. “E ore roa te pohe, e ore atoa te oto e te auê e te mauiui.”—Apokalupo 21:4.
Eaha ˈtu â ta te Bibilia e haapii mai?
I raro aˈe i te Faatereraa arii a te Atua, e ora te taata ma te hau e eita ratou e haapeapea noa ˈˈe.—Isaia 32:18.
Eita te taata e haamanaˈo faahou i te ahoaho e te hepohepo rahi ta ratou i faaruru na.—Isaia 65:17.