TE PAHONO RA TE BIBILIA

Eaha te Mahana Haavaraa?

I tahito ra, ua faaohipa te Atua i te mau tavana aore ra haava no te faatiamâ mai i to ˈna nunaa i te ohipa tia ore. (Te mau tavana 2:18) Ia au i te Bibilia, e tau oaoa te Mahana Haavaraa. I reira hoi Iehova, te Haava o te fenua taatoa, e faaore roa ˈi i te ohipa tia ore.—A taio i te Salamo 96:12, 13; Isaia 26:9.

Ua maiti te Atua ia Iesu no te faatupu i te parau-tia no te feia ora e no tei pohe. (Ohipa 10:42; 17:31) E rave rahi tei pohe ma te ore i ite o vai te Atua. I te roaraa o te Mahana Haavaraa, e faahoˈi mai Iesu tera mau taata i te ora ia nehenehe ratou ia ite o vai te Atua mau e ia here ia ˈna.—A taio i te Ohipa 24:15.

No te aha tausani matahiti no te Mahana Haavaraa?

E faahoˈihia mai tei pohe i te ora i te roaraa o na tausani matahiti. (Apokalupo 20:4, 12) E titauhia ia vaiiho i te taime no ratou no te haapii i ta te Atua mau faaueraa e no te auraro ia ˈna. Eita te reira e tupu mai ta te rahiraa e manaˈo ra. Te faaite ra te Bibilia e haavahia ratou ia au i te mau ohipa ta ratou e rave i muri aˈe i te tia-faahou-raa.—A taio i te Roma 6:7.

Te faaite atoa ra te Bibilia e tupu taue noa te tahi mahana haavaraa na mua ˈˈe ia haamata na tausani matahiti. E parauhia tera mahana, te hopea, mai tei hiˈopoahia i roto i te tumu parau matamua o teie vea. I tera taime, e haamou te Atua i te feia iino atoa. (Petero 2, 3:7) E tia ïa ia haapapu ua here mau tatou i te Atua.—A taio i te Petero 2, 3:9, 13.