Ua ite anei outou?

No te aha te Bibilia e taai ai i te haamoriraa i te atua hape o Baala i te mau oroa taiata?

E atua no te aereraa te atua Kanaana o Baala. I tiaturi na te feia haamori ia Baala e o ˈna te tumu o te ruperuperaa te fenua e te aereraa te nǎnǎ. Ia au i te hoê buka, “no te faahotu i te fenua e taiata ˈi te taata i roto i ta ratou mau hiero, ma te tiaturi e e taati Baala, atua o te vero, e to ˈna apiti o Ashéra, a hotu rahi atu ai te maa e a aere ai te nǎnǎ.”—Manners and Customs in the Bible.

I tiaturi na to Kanaana e e hoˈi Baala i raro i te fenua i te tau paˈurâ ia upootia mai Môt, te atua o te paˈurâ e te pohe. Ia hoˈi mai râ te ûa, te tiaturihia ra e te mana faahou maira o Baala, a ruperupe ai te fenua e a aere ai te mau mea ora atoa. I taua tau ra e taiata hua ˈi to Kanaana. No to Iseraela ïa taatiraa ˈtu ia Baala-peora i ‘haaviivii ai ratou ia ratou iho i te mau vahine Moabi,’ i te taatiraa morare ore.—Numera 25:1-3.