Haapiiraa hape 5: O Maria te Metua vahine o te Atua

Nohea mai teie haapiiraa? “Ua itoito mai te faahanahanaraa i te metua vahine o te Atua i to . . . te mau nunaa etene ôraa mai i roto i te ekalesia. . . . Ua tupu na hoi to ratou paieti e to ratou huru i te pae faaroo na roto i te haamoriraa a te ‘metua vahine rahi’ e te ‘paretenia atua,’ i haamauhia na a tau tausani matahiti.”—The New Encyclopædia Britannica (1988), buka 16, api 326 e 327.

Ta te Bibilia e haapii ra: “E tô oe i to oe na opu, e e fanau mai i te hoe tamaiti, e e mairi oe i tona ioa ia Iesu. E rahi oia, e e parau hia e, o te Tamaiti a te Teitei rahi . . . E no reira hoi te Tamaiti Moâ . . . e parau hia ïa e, o te Tamaiti a te Atua.”—Na matou e haapapu nei; Luka 1:31-35, V.C.J.S.

Te faaite maitai ra teie irava e e metua vahine o Maria no te “Tamaiti a te Atua,” eiaha râ no te Atua iho. E nehenehe anei o ˈna e hapû i te Ihotaata ta te ‘raˈi iho e ore e mau’? (Te mau arii 1, 8:27) Aita roa ˈtu oia i parau noa ˈˈe i te reira. Na te haapiiraa o te Toru Tahi i faatupu i te huanane i nia i te tiaraa o Maria. Ma te faatoroa ia ˈna ei Theotokos (te hoê taˈo Heleni o “Tei hapû i te Atua” te auraa), aore ra “Metua vahine o te Atua,” ua faaineine te Apooraa no Ephesia, i te matahiti 431, i te eˈa no te haamoriraa ia Maria. I riro na hoi te oire no Ephesia, i reira taua apooraa ra i te tupuraa, ei pu no te haamoriraa idolo e faahanahana ra i te ruahine o te puai fanauraa, o Artémis.

O taua mau tuhaa e rave rahi ra o te haamoriraa o te hohoˈa o Artémis tei “mairi mai i raro nei,” mai te mau haereraa moˈa, tei faaôhia i roto i te haamoriraa ia Maria. (Ohipa 19:35) Te tahi atu peu tei anoi-mǎrû-noa-hia i te haapiiraa Kerisetiano, o te faaohiparaa ïa i te hohoˈa o Maria e o vetahi ê i roto i te haamoriraa.

A hiˈo i teie mau irava: Mataio 13:53-56; Mareko 3:31-35; Luka 11:27, 28

TUPURAA MAU:

E metua vahine o Maria no te Tamaiti o te Atua, eiaha râ no te Atua iho. O te haapiiraa hape o te Toru tahi te tumu o te haamoriraa ia Maria ei Metua vahine o te Atua