Mea nafea vetahi pae i te horoaraa i te mau ô no te ohipa pororaa i te Basileia
◻ TE MAU Ô NO TE OHIPA PORORAA I ROTO I TE AO NEI: Mea rahi teie e tuu nei i te hiti aore ra teie e faataa nei i te hoê tino moni ta ratou e tuu i roto i te mau afata ô tei papaihia i nia iho e: “Te mau ô no te ohipa pororaa a te Taiete i roto i te ao nei—Mataio 24:14.” E hapono te mau amuiraa i te mau avaˈe atoa i teie mau tino moni i te pǔ iho i Brooklyn, New York, aore ra i te piha a te amaa fatata roa ˈˈe.
◻ MAU Ô: E nehenehe te mau ô moni horoa noa e hapono-roa-hia ˈtu i te Watch Tower Bible and Tract Society of Pennsylvania, 25 Columbia Heights, Brooklyn, New York 11201-2483, aore ra i te piha ohipa a te Taiete o to outou iho fenua. E nehenehe atoa te mau piru aore ra te tahi atu mau faufaa e pûpûhia. E apee te hoê rata poto roa i teie mau ô o te haapapu e e ô teie mau taoˈa.
◻ FAANAHORAA Ô: E nehenehe te moni e horoahia i te Taiete Watch Tower e e tapea-maitai-hia e tae noa ˈtu i te poheraa o te taata horoa, ma te haapapuraa e ia hinaaro noa ˈtu oia, e faahoˈi-faahou-hia mai taua moni ra i te taata horoa.
◻ RAVEA PARURURAA: E tia te iˈoa o te Taiete Watch Tower ia tapaohia mai te taiete e fanaˈo i te hoê ravea parururaa no nia i te ora aore ra i te hoê tuhaa moni i haapaohia no te taata i tatuhaahia. E tia te Taiete ia faaarahia, ia ravehia teie huru faanahoraa.
◻ MONI I TE FARE MONI: Te mau moni i te fare moni, te mau parau vaiihoraa i te moni, aore ra te tatararaa mai i te mau moni, e tia ïa ia tuuhia na aore ra e aufauhia ia tae i te poheraa i te Taiete Watch Tower, ia au maite i te mau titauraa a te fare moni o te fenua iho. E tia te Taiete ia faaarahia no teie nei huru faanahoraa.
◻ MAU HAAPUERAA TAOˈA E TE MAU PARAU FAAAU: E nehenehe te mau haapueraa taoˈa e te mau parau faaau e horoahia na te Taiete mai te hoê taoˈa horoa aore ra ia au i te hoê faanahoraa i reira te moni e tamauhia ˈi i te aufau i te taata horoa.
◻ MAU FENUA AORE RA FARE: E nehenehe te tahi mau fenua aore ra fare e hoohia ˈtu, e horoahia na te Taiete Watch Tower na roto paha i te horoaraa ˈtu mai te hoê ô aore ra na roto i te faataaraa i te hoê parau e fanaˈo ai te taata horoa, o te nehenehe e ora noa i reira e tae noa ˈtu i to ˈna poheraa. E nehenehe e farerei atu i te Taiete hou aˈe e horoa ˈi i te tahi faufaa na te Taiete.
◻ TE MAU HINAARO E TE MAU PARAU FATURAA: E nehenehe te fenua aore ra te moni e horoahia na te Watch Tower Bible and Tract Society of Pennsylvania na roto i te faaiteraa i te hinaaro i mua i te ture, aore ra e nehenehe te Taiete e nominohia mai te taiete e fanaˈo i te parau faturaa. Ia fanaˈo te hoê faanahoraa faaroo i te hoê parau faturaa, e nehenehe ïa oia e fanaˈo atoa i te pae no te oreraa e aufau i te tahi mau tute. E haponohia te hoê parau no nia i te hinaaro aore ra i te parau faturaa i te Taiete.
No te tahi atu mau haamaramaramaraa no nia i teie nei mau tuhaa, a papai i te Treasurer’s Office, Watch Tower Bible and Tract Society of Pennsylvania, 25 Columbia Heights, Brooklyn, New York 11201-2483, aore ra i te piha ohipa a te Taiete e haa ra i roto i to outou fenua.