O vai na Iesu?

Ua tono mai Iehova ia Iesu i te fenua. Ioane 1, 4:9

Ia auhia tatou e Iehova, ia faaroo ïa tatou i ta ˈna Tamaiti. Hou Iehova a hamani ai ia Adamu, i poiete na oia i te hoê melahi rahi i te raˈi.

I muri aˈe, ua tono Iehova ia ˈna ia fanauhia i Betelehema e te hoê paretenia o Maria te iˈoa. O Iesu te iˈoa o te aiû.—Ioane 6:38.

Ei taata i te fenua, ua faaite roa Iesu i te mau huru maitatai o te Atua. Mea mǎrû oia, te aroha e te ohie ia paraparau atu. Ma te mǎtaˈu ore, ua haapii oia i te parau mau no nia ia Iehova ia vetahi ê.

Ua rave Iesu i te mea maitai, ua riri râ te taata ia ˈna. Petero 1, 2:21-24

Mea hae roa na te mau aratai haapaoraa ia Iesu no to ˈna faahaparaa i ta ratou mau haapiiraa hape e to ratou haerea ino.

Ua faaora atoa Iesu i te feia maˈi e ua faatia mai vetahi o tei pohe.

Ua turai te mau aratai haapaoraa i te mau tia faatere Roma ia taparahi e ia haapohe ia Iesu.