E nafea ia faaroo i te Atua?

Te paraparau maira te Atua na roto i te Bibilia. Timoteo 2, 3:16

Ua aratai te Atua mau i te tahi mau taata ia papai i to ˈna mau manaˈo i roto i te hoê buka moˈa, te Bibilia. E parau faufaa to roto e hinaaro te Atua ia ite oe.

Ua ite te Atua eaha te mea maitai roa ˈˈe no tatou e o ˈna te Tumu o te paari atoa. Ma te faaroo ia ˈna e noaa ˈi ia oe te paari mau.—Maseli 1:5.

Te hinaaro ra te Atua ia taio te taata atoa o te fenua i te Bibilia, e vai nei na roto e rave rahi reo.

Ia hinaaro oe e faaroo i te Atua, a taio i te Bibilia e ia taa ia oe te reira.

Te haapii ra to te ao nei no nia i te Atua. Mataio 28:19

E tauturu te mau Ite no Iehova ia oe ia taa i te Bibilia.

I te mau fenua atoa, te haapii ra ratou i te parau mau no nia i te Atua.

Mea tamoni ore teie haapiiraa. E haapii atoa oe no nia i te Atua i te Piha a te Basileia a te mau Ite no Iehova.