O vai te Atua mau?

Hoê anaˈe Atua mau, o Iehova to ˈna iˈoa. (Salamo 83:18) E Varua oia e parahi ra i te raˈi, eita ïa tatou e ite mata ia ˈna. Te here ra oia ia tatou e te hinaaro ra ia here atoa tatou ia ˈna e ia vetahi ê. (Mataio 22:35-40) O ˈna te Manahope, te Atua poiete i te mau mea atoa.

E varua puai ta te Atua poieteraa matamua, tei matauhia i muri aˈe o Iesu Mesia. Ua poiete atoa Iehova i te mau melahi.

Ua poiete Iehova i te mau mea atoa i te raˈi . . . e i te fenua. Apokalupo 4:11

Ua poiete te Atua ra o Iehova i te mau fetia, te fenua, e te mau mea atoa i nia iho.—Genese 1:1.

Ua hamani oia ia Adamu, te taata matamua, i te repo fenua.—Genese 2:7.