EAHA TE RAVE IA MARAA TE MONI HOO?
A tiaturi e maitai mai te a muri aˈe
Te maraa ra anei te moni hoo i to oe vahi, e aita râ ta oe moni avaˈe e navai faahou? Aita atoa oe e nehenehe e hoo mai i te mea hinaarohia no to utuafare e no oe iho? Mai te peu tera to oe tupuraa, eita e ore e haapeapea rahi oe. Noa ˈtu râ, mea faufaa ia tiaturi e maitai mai te a muri aˈe.
NO TE AHA MEA FAUFAA?
Aita te mau taata e tiaturiraa to ratou e hinaaro noa i te maitai, e haa atoa râ ia maitaihia to ratou tupuraa. Ei hiˈoraa, ia au i te mau maimiraa e nehenehe te mau taata e tiaturiraa to ratou . . .
e faaruru ma te oaoa i te fifi
e faaau oioi
e rave i te mau faaotiraa paari, ia maitaihia to ratou oraraa e to ratou ea
EAHA TE NEHENEHE E RAVE?
A tahi, a hiˈopoa e nafea te Bibilia e tauturu ai ia oe i teie nei. Te vai ra i roto i te Bibilia e rave rahi manaˈo tauturu ia maitaihia to oe oraraa noa ˈtu ua maraa te moni hoo. Maoti teie mau manaˈo tauturu, e ite ïa oe eaha te nehenehe e rave i teie nei â e ia tupu anaˈe te fifi i te pae moni.
A piti, a hiˈopoa eaha ta te Bibilia e parau ra no a muri aˈe. A ite ai oe te mau aratairaa paari e vai ra i roto i te Bibilia, e hinaaro oe e haapii hau atu â. E ite oe e horoa te Atua “i te tahi oraraa no a muri aˈe e te tahi tiaturiraa.” (Ieremia 29:11) O te Basileia aore ra Faatereraa arii a te Atua te niu papu o teie tiaturiraa!
EAHA TE BASILEIA O TE ATUA? EAHA TA ˈNA E RAVE?
Te Basileia o te Atua o te hoê faatereraa ïa o tei faatere i te fenua taatoa, mai te raˈi mai. (Daniela 2:44; Mataio 6:10) I tera taime, aita te taata e mauiui faahou e aita atoa te veve. E fanaˈo ratou i te hoê oraraa hau e te oaoa no te mea ua haamâha te Atua i to ratou mau hinaaro, mai ta te mau irava i muri nei e faataa ra.
E mirioni taata tei tiaturi nei i teie mau parau fafau no te mea e tiaturiraa papu to ratou i te Atua, “te ore e nehenehe e haavare.” (Tito 1:2) Te faaitoito nei matou ia oe ia haapii i te Bibilia. E tauturu te reira ia oe ia faaruru i te mau fifi pae moni e ia tiaturi e maitai mai te a muri aˈe.