E faaino mau anei te upaupa ia oe?

A FERURI na i te reira: E titau manihini te hoê hoa rave ohipa ia oe e tamaa i to ˈna fare. E farii oe. I te roaraa o te po, e ite oe i te tahi mau mea hairiiri no nia i te fatu fare. E huru taehae to ˈna, e faaite oia i to ˈna hinaaro e haapohe ia ˈna iho, e parau faufau mai oia, e e turu o ˈna i te haamoriraa i te Diabolo. I teie nei, e hinaaro anei oe e amuimui faahou ia ˈna i te tahi atu po? “Eita!” ta oe ïa e pahono mai.

E hau atu â, ahiri e ua haruharu teie hoa i to ˈna mau tiaturiraa e mau haerea huru ê i taua po ra e ua horoa ˈtu i te ripene na oe? E faaroo noa anei oe i te reira ma te hauti pinepine noa? Eita paha.

I teie nei hoi mahana te itehia ra e mau mirioni taata te na reira ra ma te faaroo noa. Ei faahopearaa, e farii e rave rahi o te faaroo noa ra i teie upaupa i te manaˈo e te haerea e faaitoitohia ra.

Eaha ïa teie huru upaupa ta matou e faahiti nei? E itehia te ohipa hairiiri i roto fatata i te mau huru upaupa atoa. Noa ˈtu e mea au aˈe na te tahi pae te pehe mǎrû, te jazz, aore ra te tahi atu huru upaupa, te titauhia ra tatou ia ara e ia maiti maitai.

Te vai nei râ hoi te tahi mau huru upaupa i reira e faataa-papu-hia te mau tumu parau iino mau. E fifi taa ê mau teie te tia ia faaruruhia. Te faataa ra te UE hiˈopoa anaˈe i te mau Papai i te mau mahana atoaParau a te Atuaews & World Report i te tumu parau matamua o te upaupa heavy metal te “patoiraa a te feia apî i te morare, ma te tuati mai e rave rahi mau parau no nia i te hamani-ino-raa i te pae taatiraa e te mau manaˈo haapohe ia ˈna iho.” Te faahiti ra te taote David Elkind i te tahi mau pǔpǔ rock e “mea hairiiri roa ta ratou mau parau e mau haerea faufau no reira ïa e hiˈo-ino-hia ˈi te taatoaraa o te tapihooraa upaupa rock.” I te tahi mau vahi e mau parau faaararaa to nia iho no nia i te mau parau faufau e vai ra i roto i te tahi mau pehe e mau ripene.

Te patoi hua ra anei te taata na nia noa i to ratou manaˈo, aore ra e tumu haapeapearaa mau teie? E hiˈopoa maite tatou i te tahi o teie mau upaupa rock o te parare rahi i rotopu i te taata na roto i te mau pehe, te mau upaupa video, e te mau upaupa taata ora. A hiˈopoa i te huru o te taata. E i reira oe e faaoti ai e arearearaa ino ore anei aore ra e haaviivii i te feruriraa. E amuimui piri roa anei oe e to oe utuafare i te reira e aore ra e faaroo noa oe i te reira?