Ia au i te Bibilia . . .

E tia anei ia faatura tatou i ta tatou mau euhe?

TE FAARURU nei te hoê tane e te hoê vahine faaipoipo oaoa paari mau i te hoê fifi peapea mau. A tau matahiti i mairi aˈenei, ua roohia mau raua i te hoê fifi o te utuafare, ua euhe raua i te horoa te ahururaa o ta raua moni na te Atua mai te peu e tamǎrû mai oia ia raua mai to raua mau fifi. I teie nei, a haere noa ˈi te mau matahiti e ua roohia raua e te mau fifi i te pae no te moni manaˈo-ore-hia, te aniani nei raua ia raua iho e, “Te faahepohia ra anei tatou i te faatupu i ta tatou euhe?”

Te haapapu nei to ratou huru tupuraa fifi mau i te tuea-ore-raa o te aˈoraa paari a te taata e te rû-noa-raa ia au i teie nei mau parau: “E mea maitai hoi ia ore oe ia euhe, o te euhe hoi oe e o te ore hoi o te hopoi. Eiaha oe ia hara i te parau a to vaha; eiaha hoi oe e parau i te tahuˈa ra, Ua hape teie.”—Koheleta 5:5, 6.

Mau otoheraa paruparu

Noa ˈtu e ua riro te mau horeo faufaa ore e te mau parau tǎpǔ papu ore ei mau ture i roto i te taiete o te faatia noa i te mau mea atoa i teie nei mahana, e ore roa e nehenehe e tiai ia tiaturi mai o Iehova i te mau otoheraa faahiti-noa-hia, ua ite hau atu â atoa te feia haapao ohipa i te reira. Te faaite nei te hoê vea “Business Integrity: An Oxymoron?” i roto i te fare hooraa vea Industry Week: “Eita matou e tiaturi e e faaite i te mau taata ra i te parau mau, e rave i te mea tia maoti ra i te mea au, e tapea i ta ratou mau parau faaau.” Noa ˈtu e nehenehe te mau haavarevare ohie, mai “te parau tiiraa moni i te fare moni tei roto oia i te fare vairaa rata,” e haamarirau atu i pihai iho i te mau taata fatu tarahu, e ore râ e nehenehe e haavare atu i te mau melahi.

E ere ïa te auraa e te faaohipa nei o te Atua i te mau melahi no te faatupu i te mau euhe ia nehenehe te mau taata tarahu teiaha tia ore e rave i te mau haavîraa no te haru i te mau aufauraa tarahu teiaha i te mau taata ati mau. Tera râ, te faariro nei te Atua here mau i ta ˈna mau melahi “tavini [paturaa] varua anaˈe, i tonohia ei tiai i te feia e noaa ia ratou te aiˈa ra i te ora.” (Hebera 1:14) Tera râ, e nehenehe oia e e rave atoa i te hoê tuhaa i roto i te pahonoraa o ta tatou mau pure mehara.

Tera râ, mai te peu e tamau noa tatou i te faahiti i te mau parau tǎpǔ i roto i ta tatou mau pure, e nehenehe ra anei tatou e tiai i te mau haamaitairaa a te Atua? Te faaite ra te taata paari e: “Eaha te mea ia faariri atu hoi i te Atua i to oe ra reo, e ia faaore oia i te ohipa i ravehia e to rima ra?”—Koheleta 5:6b.

Oia mau, eiaha na te mǎtaˈu i te melahi e turai ia tatou ia faatura i ta tatou mau euhe maoti i te imi i te mau otoheraa. Maoti râ i te reira, e nehenehe tatou e fanaˈo i te hoê taairaa maitai roa e te Atua e te hinaaro tia i te haamaitairaa a te Atua i roto i ta tatou taviniraa. Mai te tane e te vahine faaipoipo oaoa i faahitihia i nia nei, te parau ra raua e: “Te hinaaro nei mâua i te hoê haava manaˈo mâ i mua i te aro o te Atua e ia ohipa ia au i to ˈna hinaaro.”

A tapea i te hoê haava manaˈo maitai

Ia noaa te hoê haava manaˈo mâ i te faaturaraa i te hoê euhe, e tia ia faaite tatou i te parau mau ia tatou iho. No te faahohoˈaraa: A feruri na ua tarahu te hoê taata ia oe i te hoê tuhaa moni faufaa tera râ no to ˈna navai ore e ore ïa oia e nehenehe e faahoˈi mai. Eaha ta oe e hinaaro—ia ore oia e faahoˈi i te taatoaraa o te tarahu o te ore e maraa ia ˈna iho ia aufau aore ra e faanaho oia i te aufau riirii noa, te mau tuhaa tamau o te maraa ia ˈna?

Ia au i teie nei haaferuriraa, e manaˈo na tatou i te hoê euhe rave ata-noa-hia no te horoaraa ia ˈna iho i te taime taatoa aore ra i te tahi atu â mau faufaa no te mau taviniraa kerisetiano o te ore e nehenehe e tapeahia. E ore ra anei e tia ia tatou i te pae morare ia faatupu i ta te mau huru tupuraa e faatia ra? “Te vai ra hoi te tia i te aau”, ua papai o Paulo, “e fariihia ïa i ta te taata i noaa” noa ˈtu e mea rahi ta tatou aore ra e mea iti noa. (Korinetia 2, 8:12) Tera râ, e te mau euhe o tei ravehia na mua ˈˈe i roaa ˈi i te hoê taata te ite mau o te parau mau a te Bibilia?

Mau euhe hape aore ra e ere no roto mai i te Bibilia

Ia ite anaˈe tatou e mea viivii te hoê euhe aore ra e mea ino, e tia ia faarue roa mai te hoê arahu veavea mau! (Korinetia 2, 6:16-18) Mau hiˈoraa o te mau euhe viivii mau teie ïa:

◻ Te mau euhe faatupuhia no te mau atua hape e te mau ruahine, mai te “arii vahine o te raˈi ra” no Babulonia.”—Ieremia 44:23, 25.

◻ Te mau euhe tia ore i te ture, mai te horeo a te feia e maha ahuru ra ia ore oia e amu maa vahi iti maa hou a haapohe ai i te aposetolo Paulo.—Ohipa 23:13, 14.

◻ Te mau euhe apotata o te apee nei i te “parau o te mau demoni ra; no te . . . feia parau haavare ra . . . e te faaore hoi i te faaipoiporaa, e te tahi pae maa ra eiaha e amu, i ta te Atua hoi i hamani ia amuhia ma te haamaitai e te feia i faaroo, e tei ite i te parau mau ra.”—Timoteo 1, 4:1-3.

Oia mau, e mea taa maitai, e tia ia tatou ia faaore i te tahi mau euhe tahito. Area râ te mau euhe o tei ore i faaô mai te mau mea e ere no roto mai i te Bibilia, no te aha e imi ai i te hoê otoheraa? E ore anei to tatou ite mau i teie nei e turai ia tatou ia faaite i te hoê faatura rahi no te mau euhe tahito ra?

A hiˈopoa i ta outou mau euhe tahito e no a muri aˈe

Te faataa-atoa-hia ra e mea hau aˈe ia feruri maitai hou a amui atu ai te mau euhe no a muri aˈe i ta tatou haamoriraa. Eita te mau euhe i faaohipa-noa-hia no te turai i te hoê taata ia rave aore ra eiaha i te hoê ohipa, mai te faarahiraa i te taime i roto i te haamoriraa kerisetiano aore ra te faaitiraa i te amuraa i te maa. Tera râ, aore roa o Iesu i patoi i te taatoaraa o te mau horeo, mai teie te huru, i te titau-raa-hia mai o ˈna i te apooraa o te ture. Tera râ, ua tuu oia i te hoê taotiaraa i te mau horeo pouri, no reira oia i faaara ˈi: “I parauhia mai te feia tahito ra, Eiaha oe e faahapa i ta oe tǎpǔ, e faatupu râ i ta oe i tǎpǔ ia Iehova ra. Te parau atu nei râ vau ia outou, Eiaha roa e tǎpǔ.” (Mataio 5:33, 34) No te aha o ˈna i rave ai i teie tiaraa? Ua iti anei te faufaaraa o te mau euhe i to te matamua ra?

E mea pinepine te vai ra te mau titauraa no te mau horeo ma te faaroo i te mau tau tahito ra. I roto i te mau pure moˈa te tǎpǔ nei ratou ia Iehova, ‘Mai te peu e tauturu mai oe ia ˈu mai roto mai i teie fifi, e rave au i te mau mea atoa i to oe iˈoa.’ Tera râ ua parau o Iesu e: “Ta outou e ani atu i te Metua ma to ˈu ra iˈoa, na ˈna ïa e horoa mai ia outou na.” Ma te ore e aˈo atu i te mau euhe titauhia i te faaroo o te feia o to ˈna ra tau, ua faaite papu ra o Iesu ia ratou e: “Aore a outou mea i ani ma to ˈu nei iˈoa; e ani, e roaa ïa ia outou.”—Ioane 16:23, 24.

E tauturu atoa te tiaturiraa i te iˈoa, aore ra i te tiaraa o Iesu i te taata atoa o te manaˈo noa ra i te manaˈo faahapa ia ˈna iho no te mea—te tamata nei o ˈna i te mau ravea atoa—e ore roa oia e nehenehe e faatupu i ta ˈna i tǎpǔ i te Atua “i te parauraa to ˈna vaha.” (Levitiko 5:4-6) Oia mau, i te mea hoi e e ore tatou e nehenehe e tapea i ta tatou mau euhe tahito, eita noa ïa tatou e pure ma te iˈoa o Iesu tera râ e nehenehe atoa tatou e ani i te Atua ia faaohipa oia i te tusia hoo o Iesu no ta tatou mau hara, e nehenehe tatou e ani ia faaore mai ma te iˈoa o Iesu. Oia mau, e nehenehe e roaa ia tatou “ma te faaroo papu mau, e ma te aau i pîpîhia ia ore te manaˈo ino, e ma te tino i horoihia i te pape mâ.”—Hebera 10:21, 22.

[Faaiteraa i te fatu o te hohoˈa i te api 12]

Te mau euhe te mau perepitero i Montmartre