Te mau vai paari — “Mai te kerehe riariahia ra”

Ia pue maoro noa te hiona paari i nia i te tupuai mouˈa, e riro mai ïa te reira e mau anavai paari. E parauhia hoi e e mau anavai paari i roto i te afaa. Ia rahi anaˈe te pape paari, e turai ïa to ˈna teiha ia hee o ˈna e tae roa ˈtu i roto i te afaa e aore ra i roto i te miti. Ia matara anaˈe te mau tuhaa rarahi e te vai paari e ia topa anaˈe i roto i te miti e riro mai ïa te reira ei mau motu pape paari i roto i te miti tei parauhia e icebergs.

E mea rarahi roa te tahi mau vai paari i roto i te afaa mai te mau anavai pape rarahi atoa te huru; no reira ratou e parauhia ˈi e “mau tahora pape paari rarahi”. Te tahi atu mau huru vai paari, te mau inlandsis, mai to te mau poro toetoe i te pae apatoa e to te Groenland, ua tapoi ïa ratou i te hoê vahi rarahi roa.

E mau haapueraa pape toetoe anaˈe ratou paatoa “mai te kerehe riariahia ra te huru i te hohoraraahia”, te tahi atu â ïa mea i poietehia e Iehova. — Ezekiela 1:22; Ioba 37:10.

[Faaiteraa i te fatu o te hohoˈa i te api 31]

Faanahoraa ratere, Alaska.

Faanahoraa ratere, Alaska.