O vai te mau iˈoa tei papaihia i roto i “te buka o te ora”?

Te pahonoraa a te Bibilia

I roto i “te buka o te ora” parau-atoa-hia “te otaro o te ora” aore ra “buka haamanaˈoraa,” te vai ra te mau iˈoa o te mau taata o te fanaˈo i te ora mure ore. (Apokalupo 3:5; 20:12; Malaki 3:16) Na te Atua e maiti i tera mau iˈoa mai te peu e auraro ma te taiva ore te hoê taata ia ˈna.—Ioane 3:16; Ioane 1, 5:3.

Te haamanaˈo noa ra te Atua i ta ˈna mau tavini taiva ore mai te huru ra e ua tapao o ˈna i to ratou mau iˈoa i roto i te hoê buka, “mai te omuaraa mai â o teie nei ao.” (Apokalupo 17:8) O Abela te taata taiva ore matamua ta te Atua i papai i roto i te buka ora. (Hebera 11:4) E ere noa ra teie buka i te hoê tapura iˈoa. Te faaite ra te buka ora e Atua here mau Iehova e “ua ite [oia] i to ˈna mau taata.”—Timoteo 2, 2:19; Ioane 1, 4:8.

E nehenehe anei te mau iˈoa i roto i “te buka o te ora” e iritihia?

E. Ua parau te Atua no nia i te mau taata faaroo ore no Iseraela i tahito: “Te taata i hara ia ˈu, to ˈna te iˈoa ta ˈu e tumâ i roto i ta ˈu buka.” (Exodo 32:33) Tera râ, mai te peu e haapao maitai tatou e vai noa ïa to tatou iˈoa i roto i “te otaro o te ora.”—Apokalupo 20:12.