Mea faatura anei outou i te tahi atu mau haapaoraa?

Te pee nei matou i te aˈoraa Bibilia i roto i te Petero 1, 2:17 e ‘faatura i te taata atoa’ noa ˈtu eaha ta ratou mau tiaturiraa i te pae faaroo. A hiˈo na, i te tahi mau fenua, ua hanere tausani Ite no Iehova to reira. Aita matou e faahepo nei i te mau tia poritita aore ra iriti ture ia haafifi aore ra ia opani i te ohipa a te tahi atu mau pǔpǔ faaroo. Aita atoa matou e imi nei na roto i te ture i te faahepo i te taata ia farii i ta matou mau tiaturiraa. Aita, te faatura nei matou ia vetahi ê ma te hinaaro ia na reira atoa mai ratou.—Mataio 7:12.