Te tamaˈi: Eaha ta te Faatereraa arii a te Atua e rave?

Na te ao nei, e faatupu noa te tamaˈi i te tuino e te mauiui. A tapao na i to muri nei faataaraa:

• “Te faataa ra te mau numera apî o te rahiraa taata tei pohe no te tamaˈi, aita i itehia aˈenei te maraaraa mai tera a 28 matahiti i teie nei. Te tumu? No te mau tamaˈi iho â ra i te fenua Etiopia e i Ukraine.”—Peace Research Institute Oslo, 7 no Tiunu 2023.

• “Te tamaˈi i Ukraine, hoê tera o te tamaˈi tei uˈana roa i 2022. Ia amuihia, i te matahiti i mairi iho nei, ua maraa te haavîraa uˈana i te pae poritita e 27 i nia i te hanere, fatata 1,7 miria tei faaruru i te reira.”—The Armed Conflict Location & Event Data Project (ACLED), 8 no Fepuare 2023.

Te horoa ra te Bibilia i te hoê tiaturiraa. Te na ôhia ra: “E haamau te Atua o te raˈi i te hoê faatereraa arii o te ore roa e haamouhia.” (Daniela 2:44) I raro aˈe i teie Basileia aore ra Faatereraa arii, e ‘faaore te Atua i te mau tamaˈi ati aˈe i te fenua.’—Salamo 46:9.