TUMU PARAU HAAPIIRAA

Te fanaˈo ra te nunaa o Iehova i te hoê vahi taa ê i reira e itehia ˈi te hau i te tahi tuhaa o ta ˈna faanahonahoraa. E nafea tatou e nehenehe ai e faaite i to tatou mauruuru hohonu i te apitiraa i teie faanahoraa o te haamoriraa mau? E eaha ta tatou iho e nehenehe e rave ia riro te reira ei vahi hau atu â? E pahono mai teie tumu parau i teie mau uiraa.

Te faataa ra teie tumu parau i te tahi mau tupuraa faahiahia mau o te tupu i a muri aˈe. E haapii atoa mai tatou no te aha tatou e nehenehe ai e tiaturi roa ia Iehova i te roaraa o te ati rahi.

E rave rahi taata i roto i te ao a Satani o te tiaturi i to ratou fenua, i ta ratou peu tumu aore ra i to ratou nunaa. Ua euhe râ tatou i te vai taiva ore ia Iehova. E hiˈo mai tatou i roto i teie tumu parau no te aha eita ˈi tatou e turu i te aroraa a to teie nei ao e e nafea tatou e faaineine ai ia tatou ia manaˈo mai ta Iehova e Iesu e rave ra.

Na te ao atoa, te putuputu ra te nunaa o Iehova no te haamori i roto i te mau Piha a te Basileia e i te hoê â mau paturaa. I roto i teie tumu parau, e hiˈo mai tatou i te mau faaueraa tumu Bibilia o te haapii mai ia faatura i teie mau vahi putuputuraa, ia horoa i ta tatou mau ô horoa noa e ia atuatu i te reira ia nehenehe tatou e faahanahana ia Iehova.