TUMU PARAU HAAPIIRAA

E faaite noa anaˈe i to tatou mauruuru ma te feruri maite i ta tatou mau haamaitairaa e ma te haamauruuru ia Iehova. Ma te haafaufaa i ta Iehova i rave no tatou, eita tatou e riro ei taata mauruuru ore e e faaoromai tatou i roto i te mau fifi. Tera ïa ta te irava matahiti 2015 e haamanaˈo noa mai.

E faataahia mai no te aha e haere ai i te Oroa haamanaˈoraa i te poheraa o Iesu, eaha ta te uaina e te pane e faataipe ra e e nafea te hoê taata e ite ai e e mea tia ia rave o ˈna i te pane e te uaina i tera po. E tauturu atoa mai teie tumu parau ia ite e nafea ia faaineine ia tatou no te Amuraa maa a te Fatu.

Mea faufaa roa ia paruru te tane e te vahine i to raua faaipoiporaa i te mau fifi e faahemaraa a te ao a Satani. Maoti te tauturu a Iehova, e nehenehe e fanaˈo i te hoê faaipoiporaa paari maitai e te oaoa. E faataa te tumu parau matamua e pae ravea ia paari maitai te faaipoiporaa e ia vai maoro te reira. E te piti, e ite mai ïa tatou e nafea ia paruru i to tatou faaipoiporaa.

Mai te aha te here mau i rotopu i te hoê tane e te hoê vahine? E nehenehe anei te reira e vai maoro? E nafea te here mau e faaitehia ˈi? A hiˈo i ta te Sire a Solomona e haapii maira no nia i te here mau e o te vai maoro.