NEINEIRAA NO TE HAAPIIRAA

No te aha te taata e rave rahi e parau ai e tei te mau Ite no Iehova ra te parau mau? E no te aha te mau Ite no Iehova i papu ai e tei ia ratou ra te parau mau? O ta teie tumu parau ïa e faataa mai.

E faaruru tatou paatoa i te mau ati no te mea te ora nei tatou i roto i te ao a Satani. I roto i tera mau ati, te vai ra te aroraa huna ore e te aroraa haavarevare o te nehenehe e faaino i to tatou faaroo. E tauturu mai teie tumu parau ia ite e nafea Satani e tamata ˈi i te faaino i to tatou faaroo e e nafea ia faaineine ia tatou.

Na te mau metua te hopoia e haapii i ta ratou tamarii i roto i te parau mau. (Eph. 6:4) E faataa mai teie tumu parau e toru ravea e nehenehe ai te mau metua e haapao i ta ratou tamarii mai te tiai mamoe e e tauturu ia ratou ia here ia Iehova.

E faatupu te pohe e te mau mea atoa e aratai i te reira i te mauiui rahi. No te aha te taata e pohe ai? E nafea ‘te enemi hopea, te pohe, e haamouhia ˈi’? (Kor. 1, 15:26) A hiˈo e nafea te mau pahonoraa e faaite maitai ai i te parau-tia a Iehova, i to ˈna paari e i to ˈna iho â râ here.

E tae roa mai i teie mahana, mea rahi te tavini a Iehova te ohipa puai nei i roto i te taviniraa taime taatoa. Eaha ta tatou e nehenehe e rave no te haamanaˈo i ta ratou ‘ohipa papu o te faaroo’ e te ‘ohipa rahi o te hinaaro’?—Tes. 1, 1:3.