Ia itoito oe e ia vai taiva ore mai ia Benaia

E faehau itoito mau o Benaia tei tavini na i te arii Davida e Solomona. E tamaiti o ˈna na te hoê tahuˈa. Eita te mau tahuˈa e ati Levi e haere i te tamaˈi aore ra e faaohipa i te mauhaa tamaˈi. O Benaia râ, ua apiti atu o ˈna i te mau tamaˈi a Iehova ma te itoito mau. Ei hiˈoraa, ua taparahi o ˈna i te hoê liona i roto i te hoê apoo pape. Ua aro atoa oia i te hoê tiapai taata Aiphiti. No to ˈna tiaturi rahi ia Benaia, ua faatoroa Davida ia ˈna ei raatira no to ˈna feia tiai.—Sam. 2, 23:20-23.

Ua vai taiva ore Benaia ia Davida i to Abasaloma e Adonia orure-hau-raa. (Sam. 2, 8:18; 15:18; Arii 1, 1:8) Ua tauturu atoa Benaia ia Solomona ia riro mai ei arii, i tera taime ua paari roa ïa Davida. (Arii 1, 1:32-40) Mea papu, ua vai taiva ore Benaia ia Iehova e te mau arii ta ˈna i maiti noa ˈtu ua orure hau vetahi o te nunaa.

E titau-atoa-hia ia faatupu tatou i te itoito no te aro i to tatou enemi ra o Satani e te feia e pee ra ia ˈna. E faaoti papu anaˈe ïa i te ora noa ia au i te mau ture aveia a Iehova. (Eph. 6:11; Pet. 1, 5:8, 9) Noa ˈtu e faaoti vetahi i te faarue ia Iehova, e ati maite tatou ia ˈna inaha e haamaitai iho â Iehova ia tatou.—Sam. 2, 22:26.